Juan 13:35 - Emberá Chamí

³⁵ Maka chiya kʉ̃ria duanuubʉrã, jomaurãba kuitaad̶ai machi mʉ baara nibabadau».

Juan 13:35 Referans Kwoze

1 Juan 2:10

Chi ichi ãba kʉ̃riabarii ʉ̃d̶aad̶e b̶uu maud̶e ichi sõd̶e wãꞌãe kachiruad̶e b̶aebii baita.

Juan 17:21

Chacha, bichi mʉ ome b̶uud̶eeba maud̶e mʉ bichi ome b̶uud̶eeba mʉʉba id̶i b̶uu ãchi sid̶a dachi ome chi kakua ab̶a b̶uu kĩra nuread̶amera. Maka nau iujãad̶e nureeba ijãad̶ai bichiba mʉ bʉisii.

1 Juan 2:5

Maamina chi Dachi Akõre bed̶ea wau b̶uuba Dachi Akõre biawãra kʉ̃ria b̶uu. Chi Dachi Akõre ome b̶uu a b̶uu Jesucristo nibad̶a kĩra nibai b̶uu. Dachi maka nibaaduubʉrã, kuitaa panuu biawãra ichi ome panuu.

2 Juan 1:5

Neekau, mʉʉba chi chuburia id̶imaa b̶uu dachi chiya kʉ̃riad̶amera. Dachi Akõreba waubi b̶uu bed̶ea wid̶iwãebʉ, maumaarã mau dachiba arab̶aed̶eed̶e ũri panasid̶au.