Juan 13:22 - Emberá Chamí

²² Ichi baara nibabadaurã ãchi chiya ichia bara b̶eesii, Jesusba sãu jarad̶a adua panuud̶eeba.

Juan 13:22 Referans Kwoze

Lucas 22:23

Maud̶eeba ichi baara nibabadaurã biawãra ãchi chiya id̶i bara b̶eesii kaiba Jesús maka waui.

Marcos 14:19

Maabae kĩra nomaasid̶aud̶e, ab̶aab̶aa Jesusmaa id̶isid̶au: —¿Mʉʉka? a id̶isid̶au.

Mateo 26:22

Maud̶eeba ãchi ãrea kĩra nomaa paneesid̶au. Ara makʉd̶e ab̶aab̶aa ichimaa id̶isid̶au: —Mʉ Mechiu, ¿mʉʉka?

Mateo 26:21

Komaa panuud̶e ichiba jarasii: —Mʉʉba biawãra jaraaruu: ab̶a machid̶ebenaba mʉ jidaubii.

Marcos 14:18

Komaa panuud̶e, Jesusba jarasii: —Mʉʉba biawãra jaraaruu. Ab̶a machid̶ebenaba mʉ jidaubii. Mau nama mʉ baara komaa b̶uu.

Lucas 22:21

Maamina chi mʉ jidaubii b̶uu nama mʉ ome komaa b̶uu.

Juan 13:18

»Mʉʉba mau joma machimaa jarawẽa b̶uu, mʉʉba jʉrʉ adaud̶arã saka nuree kuitaa b̶uud̶eeba. Dachi Akõre bed̶ead̶e b̶ʉ kub̶uu kĩra biawãra makamera mʉʉba jaraaruu: “Chi mʉ baara ko b̶uad̶a mʉ kĩramaa b̶eesii”.

Juan 13:21

Maka jaraped̶a Jesús ãrea kĩra nomaa b̶eesii. Maabae jarasii: —Mʉʉba biawãra jaraaruu: ab̶a machid̶ebenaba mʉ jidaubii.