Juan 13:21 - Emberá Chamí

²¹ Maka jaraped̶a Jesús ãrea kĩra nomaa b̶eesii. Maabae jarasii: —Mʉʉba biawãra jaraaruu: ab̶a machid̶ebenaba mʉ jidaubii.

Juan 13:21 Referans Kwoze

Mateo 26:21

Komaa panuud̶e ichiba jarasii: —Mʉʉba biawãra jaraaruu: ab̶a machid̶ebenaba mʉ jidaubii.

Juan 13:18

»Mʉʉba mau joma machimaa jarawẽa b̶uu, mʉʉba jʉrʉ adaud̶arã saka nuree kuitaa b̶uud̶eeba. Dachi Akõre bed̶ead̶e b̶ʉ kub̶uu kĩra biawãra makamera mʉʉba jaraaruu: “Chi mʉ baara ko b̶uad̶a mʉ kĩramaa b̶eesii”.

Marcos 14:18

Komaa panuud̶e, Jesusba jarasii: —Mʉʉba biawãra jaraaruu. Ab̶a machid̶ebenaba mʉ jidaubii. Mau nama mʉ baara komaa b̶uu.

Juan 12:27

»Biawãra mʉ ãrea kĩra nomaa b̶uu. ¿Mʉʉba kãare jaraima? “¿Chacha, mʉ biꞌiwãe b̶uai b̶uud̶ebena karibase aika”? Maka jaraabai mʉ mau kakua need̶ad̶eeba.

Juan 11:33

Jesusba María jẽaruu maud̶e judiorã chi mau ome neeped̶aad̶a sid̶a jẽaduu unusiid̶e ãchi kakua ãrea jirukaraa, kĩru kub̶uuba ĩyaabasii.

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.

Hechos 17:16

Atenas puurud̶e Pabloba Silas maud̶e Timoteo esed̶au b̶uumisa, Dachi Akõre kuenda juaba ne kaped̶aad̶a ãrea mau puurud̶e unusiid̶e, ichi kĩra nomaasii.

Juan 13:2

Ẽsabud̶aa baaruud̶e komaa panasid̶au. Mau naed̶e jʉbawãe niiba Simón warr Judas Iscariote sõd̶e kʉ̃risiabisii Jesús jidaubii baita.

Juan 11:38

Jesús wabid̶a kĩru b̶uud̶e Lázaro mo chob̶ead̶e nub̶uped̶aad̶amaa neesii. Chi ed̶a wãbadau mooba jʉ̃a kub̶uasii.

Juan 11:35

Jesús jẽasii.

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

Mateo 26:38

Maud̶e ãchimaa jarasii: —Mʉ kĩra nomaaba biuruu kĩra b̶uu. Nama panésturu. Mʉ kĩra chokae panásturu.

Juan 13:22

Ichi baara nibabadaurã ãchi chiya ichia bara b̶eesii, Jesusba sãu jarad̶a adua panuud̶eeba.