Juan 13:18 - Emberá Chamí

¹⁸ »Mʉʉba mau joma machimaa jarawẽa b̶uu, mʉʉba jʉrʉ adaud̶arã saka nuree kuitaa b̶uud̶eeba. Dachi Akõre bed̶ead̶e b̶ʉ kub̶uu kĩra biawãra makamera mʉʉba jaraaruu: “Chi mʉ baara ko b̶uad̶a mʉ kĩramaa b̶eesii”.

Juan 13:18 Referans Kwoze

Mateo 26:23

Ichiba panausii: —Mʉ ome arab̶au paratud̶e komaa b̶uuba mʉ jidaubii.

Juan 17:12

Bichi poyaad̶eeba mʉʉba joma bichiba dead̶arã nau iujãad̶e nu ua b̶uabarii. Jãarãd̶ebenarã ab̶a bid̶a wãꞌãed̶aabasii. Ab̶aburu chi wãꞌãe bai bad̶áturu wãꞌãesii, bichi bed̶ea jara b̶uu kĩra biawãra makamera.

Marcos 14:20

Maabae Jesusba panausii: —Machi 12 ab̶aba chi pan mʉ ome arab̶au paratud̶e b̶ekearuuba mʉ jidaubii.

Juan 13:26

Jesusba panausii: —Mʉʉba pan paratud̶e sũraped̶a dearuu, mau ichibʉ. Ara makʉd̶e pan sũraped̶a Jesusba Simón Iscariote warr Judasmaa deasii.

Juan 6:70

Jesusba jarasii: —Machi 12 panuu mʉʉba jʉrʉ adausii mʉ baara nibad̶amera. Maamina machid̶ebena ab̶a jʉbawãe niid̶ebʉ.

Juan 15:19

Machi nau iujãad̶ebenarã basirã maarãba machi kʉ̃riad̶ai basii ãchid̶ebenad̶eeba. Maamina mʉʉba machi nau iujãad̶ebena adoesii ãchi diware nuread̶amera. Maud̶eeba machi kĩramaabadau.

Hebreos 4:13

Dachi Akõreba chi ichiba waud̶a joma unubarii. Ab̶a bid̶a wãꞌãe ichiba unukau. Ichiba ne joma dod̶aa unubarii, dachiba mera uru panuu sid̶a arakʉd̶e unubarii. Ichiba ichiaruud̶e joma dachiba wauped̶aad̶a ichimaa jarad̶ai.

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Mateo 10:36

Machiba mʉʉd̶e ijãa panuu kakua biawãra machi ded̶e kĩramaa paneed̶ai.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.

Juan 21:17

Jesusba waya id̶isii: —Simón, Jonás warr, ¿mʉ kʉ̃ria b̶uka? Mauba b̶es õbea id̶isii. Pedro kĩra nomaa b̶eesii, Jesusba b̶es õbea id̶isiid̶eeba. Maabae ichiba jarasii: —Mʉ Mechiu, bichiba joma kuitaa b̶uu. Bichiba kuitaa b̶uu mʉʉba bichi kʉ̃ria b̶uu. Jesusba jarasii: —Chi mʉʉd̶e ijãa nuree ãrea nu b̶uase oeja nubariiba ichi oeja chekerã nubarii kĩra.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

Mateo 26:21

Komaa panuud̶e ichiba jarasii: —Mʉʉba biawãra jaraaruu: ab̶a machid̶ebenaba mʉ jidaubii.

Marcos 14:17

Ẽsabud̶aa Jesús chi ichi baara nibabadaurã 12 baara neesii.

Marcos 14:18

Komaa panuud̶e, Jesusba jarasii: —Mʉʉba biawãra jaraaruu. Ab̶a machid̶ebenaba mʉ jidaubii. Mau nama mʉ baara komaa b̶uu.

Lucas 22:21

Maamina chi mʉ jidaubii b̶uu nama mʉ ome komaa b̶uu.

Juan 13:21

Maka jaraped̶a Jesús ãrea kĩra nomaa b̶eesii. Maabae jarasii: —Mʉʉba biawãra jaraaruu: ab̶a machid̶ebenaba mʉ jidaubii.

Juan 13:22

Ichi baara nibabadaurã ãchi chiya ichia bara b̶eesii, Jesusba sãu jarad̶a adua panuud̶eeba.

Juan 15:25

Maka panuu ãchi leyd̶e jara b̶uu kĩra. Naka jara b̶uu: “Ãchi kʉ̃riaba mʉ kĩramaabachid̶au”.

Juan 18:32

Judiorãba maka jaraped̶aad̶aba kuitaabiasii Jesusba ichi saka biui b̶uu jarad̶a biawãra makasii.

Juan 19:24

Maud̶e kokoroarãba ãchi du ab̶a jarasid̶au: —Nau kõetad̶aabai panuu. Bari bibuara b̶uu jemened̶ai, kaiba chi paru adooi kuitaad̶ai baita. Mau makasii Dachi Akõre bed̶ead̶e nabẽraed̶e b̶ʉd̶a kĩra: «Mʉ anab̶ari jʉ̃barii ãchicha adausid̶au; mʉʉba ekare jʉ̃ b̶uad̶a adaud̶ai baita jemenesid̶au». Biawãra kokoroarãba maka wausid̶au.

Juan 19:36

Joma mau biawãra makasii Dachi Akõre bed̶ead̶e b̶ʉ kub̶uu kĩra. Naka b̶ʉ kub̶uu: «Ichi b̶ʉʉrʉ ab̶a bid̶a b̶ʉitad̶aabai».

Hechos 1:2

ab̶a Dachi Akõreba bajãad̶aa adoeruud̶aa. Bajãad̶aa wãi naed̶e Dachi Akõre Jaurid̶eeba Jesusba chi ichiba bʉid̶arãmaa jaradeasii kãare waud̶ai panuu. Maarã ichiba jʉrʉ adaud̶a basii.

Hechos 1:16

«Ãbarã, nabẽraed̶e Dachi Akõre Jauriba Judasba waui ʉ̃rʉbena Davidmaa b̶ʉbisii. Dachi Akõre bed̶ead̶e b̶ʉ kub̶uu kĩra biawãra makai b̶uasiid̶eeba Judasba ẽbẽrarã uad̶osii Jesús jidaud̶amera.