Juan 13:11 - Emberá Chamí

¹¹ Jesusba kuitaa b̶uasii kaiba ichi jidaubii b̶uu. Maud̶eeba jarasii: «Ab̶a jeraawẽa b̶uu».

Juan 13:11 Referans Kwoze

Juan 13:26

Jesusba panausii: —Mʉʉba pan paratud̶e sũraped̶a dearuu, mau ichibʉ. Ara makʉd̶e pan sũraped̶a Jesusba Simón Iscariote warr Judasmaa deasii.

Juan 13:21

Maka jaraped̶a Jesús ãrea kĩra nomaa b̶eesii. Maabae jarasii: —Mʉʉba biawãra jaraaruu: ab̶a machid̶ebenaba mʉ jidaubii.

Juan 13:18

»Mʉʉba mau joma machimaa jarawẽa b̶uu, mʉʉba jʉrʉ adaud̶arã saka nuree kuitaa b̶uud̶eeba. Dachi Akõre bed̶ead̶e b̶ʉ kub̶uu kĩra biawãra makamera mʉʉba jaraaruu: “Chi mʉ baara ko b̶uad̶a mʉ kĩramaa b̶eesii”.

Juan 13:2

Ẽsabud̶aa baaruud̶e komaa panasid̶au. Mau naed̶e jʉbawãe niiba Simón warr Judas Iscariote sõd̶e kʉ̃risiabisii Jesús jidaubii baita.

Juan 2:25

Jomaurã sõ kuitaa niid̶eeba ab̶au bid̶a ichimaa ẽbẽrarã saka nuree jarad̶aabai panasid̶au.

Juan 17:12

Bichi poyaad̶eeba mʉʉba joma bichiba dead̶arã nau iujãad̶e nu ua b̶uabarii. Jãarãd̶ebenarã ab̶a bid̶a wãꞌãed̶aabasii. Ab̶aburu chi wãꞌãe bai bad̶áturu wãꞌãesii, bichi bed̶ea jara b̶uu kĩra biawãra makamera.

Juan 18:4

Maud̶e Jesusba joma makai b̶uu kuitaa b̶uud̶eeba ãchimaa wãped̶a id̶isii: —Machiba ¿kai jʉrʉ panuma?