Juan 13:10 - Emberá Chamí

¹⁰ Maud̶eeba Jesusba jarasii: —Ẽbẽra kuid̶akare ichi jʉ̃rʉ waa jeraabai b̶uu ichi kakua joma biꞌia jeraasiid̶eeba. Machi joma jeraa nuree, maamina ab̶a jeraawẽa b̶uu.

Juan 13:10 Referans Kwoze

Juan 15:3

Mʉ bed̶ea ijãabadaud̶eeba machi chi bakuru jua kauwa tarikuad̶a kĩra nuree.

2 Corintios 5:17

Biawãra ab̶a Cristo ome b̶uubʉrã, ichi chi naed̶e b̶uad̶a kĩra b̶uuwãe maumaarã ichi ẽbẽra chiwid̶i nii.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Santiago 3:2

Joma dachiba ãrea biꞌiwãe waubadau. Ab̶auba berrearuud̶e ab̶a sõ puꞌuabikaubʉrã, ne jomad̶e jipa nii maud̶e ichi kakua joma jipa b̶uu.

Hebreos 9:10

Moisesba b̶ʉd̶aba náturu ab̶aburu kuitaabiasii chi dachi kakua chi ʉ̃rʉbena ome waubadau jaradeabadau: kãare kod̶ai panuu, kãare dod̶ai panuu maud̶e Dachi Akõreba jeraabi b̶uu saka jeraad̶ai panuu. Joma mau waubachid̶au ab̶a Dachi Akõreba joma chiwid̶i wauruud̶aa.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

Mateo 6:12

Daiba kachirua wauped̶aad̶a perdonakuase, daimaa kachirua wauduu daiba perdonabadau kĩra.

Juan 13:9

Maud̶eeba Simón Pedroba jarasii: —Maka b̶uubʉrã, mʉ Mechiu, mʉ jʉ̃rʉ́turu jeraarã́se, ¡maumaarã mʉ jua maud̶e mʉ boro sid̶a jeraase!

Juan 13:18

»Mʉʉba mau joma machimaa jarawẽa b̶uu, mʉʉba jʉrʉ adaud̶arã saka nuree kuitaa b̶uud̶eeba. Dachi Akõre bed̶ead̶e b̶ʉ kub̶uu kĩra biawãra makamera mʉʉba jaraaruu: “Chi mʉ baara ko b̶uad̶a mʉ kĩramaa b̶eesii”.