Juan 12:35 - Emberá Chamí

³⁵ Jesusba jarasii: —Nau ʉ̃d̶aa machi baara ãrea b̶uabai. Maud̶eeba ʉ̃d̶aad̶e nibásturu ichi machi baara b̶uumisa, pãriud̶e panad̶aabayua. Chi pãriud̶e nibabarii kawakau samaa wãaruu.

Juan 12:35 Referans Kwoze

Juan 12:46

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

Juan 16:16

»Kãꞌãabariwãed̶e machiba mʉ makaa unud̶aabai, maamina nau maad̶akare waya kãꞌãabariwãed̶e mʉ unud̶ai.

Efesios 5:8

Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Juan 11:10

Maamina ẽsabud̶e nii jʉ̃rʉ drʉbarii, ʉ̃d̶aawãe b̶uud̶eeba.

Juan 12:36

Ʉ̃d̶aa machi tãed̶e uru panuumisa mau ʉ̃d̶aad̶e ijã́sturu ẽbẽrarã ʉ̃d̶aad̶ebena nuread̶amera. Mau bed̶ea jarasiid̶e Jesús wãped̶a mirusii.

Juan 7:33

Maka panuud̶e Jesusba ẽbẽrarãmaa jarasii: —Mʉ machi ome ãrea b̶uawẽe. Jãad̶akare mʉ waya wãi chi mʉ bʉid̶a b̶uabariimaa.

2 Corintios 3:14

Maamina ãchiba mau ʉ̃rʉbena kuitaad̶aabasii. Id̶ibae bid̶a judiorãba chi Moisesba b̶ʉd̶a ichiaduud̶e kuitaad̶akau. Ãchi kʉ̃risia wabid̶a paruba mera panuu kĩra nuree, ab̶a Cristod̶éburu mau ãyaa ewaid̶eeba.

Juan 11:9

Jesusba jarasii: —¿Ewari ab̶a 12 hora b̶uuwãeka? Ãyadaa niid̶e jʉ̃rʉ drʉkau, ichiba ʉ̃d̶aa nau iujãad̶ebena unu b̶uud̶eeba.

Gálatas 6:10

Maud̶eeba dachiba poyaaduucha, jomaurã biꞌia aid̶ad̶ai panuu. Chi Jesusd̶e ijãabadaurã maka aude aid̶ad̶ai panuu.

Lucas 18:37

Maud̶e waabenarãba jarasid̶au: —Jesús Nazaretd̶ebena naud̶e wãaruud̶eeba ãrea panuu.