Juan 12:23 - Emberá Chamí

²³ Maud̶e Jesusba jarasii: —Chi ewari basii. Dachi Akõreba mʉ, chi Ẽbẽra Ba B̶uad̶a chi Mechiu b̶ui.

Juan 12:23 Referans Kwoze

Marcos 14:41

B̶es õbea id̶id̶akare waya neesiid̶e, Jesusba jarasii: —¿Wabid̶a kãi duanuka? Ara basma. Mʉ ewari basii. Mʉ, chi Ẽbẽra Ba B̶uad̶a ẽbẽrarã kachiruarã juad̶e deaduu.

Mateo 25:31

»Mʉ, chi Ẽbẽra Ba B̶uad̶a joma angelerã baara kĩrawãrea baraa neeruud̶e, mʉ rey ãkaud̶e akʉ b̶eei, ẽbẽrarã nebʉra bara nuree ai baita.

Juan 12:16

Jesús baara nibabadaurãba mau unu panumina kuitaad̶aabasii. Maamina Jesús chokae jiraduped̶a bajãad̶aa wãd̶akáreburu kuitaasid̶au Dachi Akõre bed̶ead̶e ichi ʉ̃rʉbena naed̶e b̶ʉd̶a joma biawãra makasii.

Mateo 26:45

Maabae ichi baara nibabadaurãmaa waya neeped̶a jarasii: —Machi ¿wabid̶a kãi duanuka? Mʉ ewari basii. Mʉ, chi Ẽbẽra Ba B̶uad̶a ẽbẽrarã kachiruarã juad̶e deaduu.

Marcos 14:35

Jesús waa waparaa wãped̶a õdarrd̶e kob̶eeped̶a daub̶ʉʉrʉ jeed̶a tʉped̶a, ʉtaa id̶isii Dachi Akõreba kʉ̃ria b̶uubʉrã, ichi mau biꞌiwãe b̶uai b̶uud̶ebena karibai.

Juan 7:39

Jesusba mauba kuitaabiasii chi ichid̶e ijãaduuba Dachi Akõre Jauri adaud̶ai. Mau ewarid̶e Dachi Akõre Jauri wabid̶a neewẽa b̶uasii Jesús wabid̶a bajãad̶aa wãwẽa b̶uasiid̶eeba.

Juan 12:27

»Biawãra mʉ ãrea kĩra nomaa b̶uu. ¿Mʉʉba kãare jaraima? “¿Chacha, mʉ biꞌiwãe b̶uai b̶uud̶ebena karibase aika”? Maka jaraabai mʉ mau kakua need̶ad̶eeba.

Juan 13:1

Pascua ewari bai naed̶e Jesusba kuitaa b̶uasii ichi ewari neeruu. Kuitaasii nau iujãa b̶ʉiped̶a ichi Akõremaa wãi. Jesusba joma ichid̶irã nau iujãad̶e nuree ãrea kʉ̃ria b̶uasiid̶eeba ichiba mau kʉ̃ria unubiasii ab̶a ichi biuruu ewarid̶aa.