Juan 11:40 - Emberá Chamí

⁴⁰ Maamina Jesusba jarasii: —¿Mʉʉba jaraabaska bichiba biawãra ijãaruubʉrã, Dachi Akõre chi mechiu nii unui?

Juan 11:40 Referans Kwoze

Juan 11:4

Mau ũrisiid̶e Jesusba jarasii: —Mau ẽpermo b̶uuba Lázaro biubai. Maumaarã mauba ẽbẽrarãba kuitaad̶ai Dachi Akõre maud̶e ichi Warr ome chi mechiurã.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

2 Corintios 3:18

Dachiba Cristod̶e ijãa panuud̶eeba dachi kĩra paruba mera uru panuu kĩra panuuwãema. Maud̶eeba dachid̶eeba waabenarãba Dachi Mechiu kĩrawãrea unu panuu kĩra ichiabadaud̶e ichia panuu kĩra. Maud̶e Dachi Mechiu Jauriba dachi ewaricha biꞌia wau kãrii Dachi Mechiu kĩra panad̶amera.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Juan 9:3

Jesusba panausii: —Ichiba kachirua wausiid̶eeba maebʉrã chi akõrerãba kachirua wau panasiid̶eeba, jãka adaubasii. Maumaarã dau pãriu adausii ichid̶eeba Dachi Akõreba ne wauruu ẽbẽrarãba unud̶amera.

Juan 12:41

Isaiasba ichi kartad̶e maka b̶ʉsii Jesús chi Mechiu nii unusiid̶eeba. Maud̶e mau ʉ̃rʉbena berreasii.

Mateo 17:20

Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Marcos 9:23

Maud̶e Jesusba jarasii: —Bichiba ¿saka mʉʉmaa poyaa karibai b̶uubʉrã a b̶uma? Ijãa b̶uubʉrã, mʉʉba joma poyaa karibai.