Juan 11:3 - Emberá Chamí

³ Maud̶e Lázaro neekaurãba Jesusmaa jarad̶e bʉisid̶au: —Dai Mechiu, bichi kõpaero ãrea ẽpermo b̶uu.

Juan 11:3 Referans Kwoze

Juan 11:5

Jesusba Lázaro maud̶e chi neekaurã ãrea kʉ̃ria b̶uasmina,

Apocalipsis 3:19

Chi ẽbẽrarã mʉʉba kʉ̃riakua b̶uu kastikakuabarii maud̶e bed̶ea bia ũribiabarii mʉ bed̶ea ijãad̶amera. Maud̶eeba waya mʉʉmaa nésturu biawãra mʉ baara sõd̶eeba nibad̶amera.

2 Timoteo 4:20

Ãba Erasto Corinto puurud̶e b̶eesii. Ãba Trófimo ẽpermo b̶uasiid̶eeba mʉʉba ichi Mileto puurud̶e b̶ʉisii.

Juan 13:23

Maarãd̶ebena ab̶a chi Jesusba ãrea kʉ̃riabarii, ichi jãkaa akʉ b̶uasii.

Juan 11:36

Maka b̶uud̶e judiorã aria panuuba jarasid̶au: —Ichiásturu jãuba Lázaro saka kʉ̃ria b̶uasii.

Juan 11:11

Maka jaraped̶a Jesusba waya jarasii: —Dachi kõpaero Lázaro kãi nub̶uu maamina mʉʉba mau ʉ̃rʉmad̶e wãaruu.

Juan 11:1

Mau ewarid̶e ẽbẽra Lázaro abadau ãrea ẽpermo b̶uasii. Mau Lázaro Betania puurud̶ebena basii. Ara mau puurud̶e ichi neekaurã María maud̶e Marta panasid̶au. Mau Mariaba Dachi Mechiu jʉ̃rʉd̶e kera eaped̶a ichi bud̶aba poabisii.

Lucas 7:13

Dachi Mechiu Jesusba chi pẽdrãa miichuburi unuped̶a naka jarasii: —Waa jẽarã́se.

Juan 11:21

Martaba Jesús unusiid̶e jarasii: —Mʉ Mechiu, bichi nama b̶uad̶a basirã mʉ ãba biubai basii.

Juan 13:13

Machiba mʉʉmaa “mʉ Jaradeabarii” abadau maud̶e “mʉ Mechiu abadau”. Biawãra arakʉd̶e jara panuu, mʉ maka niid̶eeba.