15 Mʉ aria b̶uabasiid̶eeba mʉ kĩrajʉʉ b̶uu, mau kakua machiba mʉ biꞌia ijãad̶aid̶eeba. Waya ichimaa wã́duru.
Mau baita mʉʉba joma jãadua b̶uu Dachi Akõreba jʉrʉ adaud̶a ẽbẽrarã karibai baita. Maka Dachi Akõreba ãchi sid̶a Jesucristod̶eeba aid̶ai ewaricha ichi biad̶ebena uru panad̶amera.
Maarã kakua mʉ bichimaa dearuu. Machi baita makaaruu, maarãba ara ãchi chi biawãra bichimaa dead̶amera.
Maud̶e Jesusba jarasii: —Mau bed̶ea mʉ baitawãe basii. Maumaarã machi baita basii.
Mau ũrisiid̶e Jesusba jarasii: —Mau ẽpermo b̶uuba Lázaro biubai. Maumaarã mauba ẽbẽrarãba kuitaad̶ai Dachi Akõre maud̶e ichi Warr ome chi mechiurã.
Mau ẽbẽrarãba ne poyaa waud̶akau naed̶e waud̶a Jesusba Caná puurud̶e Galilea druad̶e wausii. Maud̶ebena ichi chi Mechiu unubisii. Maka ichi baara nibabadaurãba ichi biawãra ijãasid̶au.
Mʉʉba nau karta machi chi Dachi Akõre Warrd̶e ijãabadaurã baita b̶ʉʉruu kuitaad̶amera ewaricha Dachi Akõre ome chokae nuread̶ai.
Dai mau joma ãrea biꞌiwãe panuu machi biꞌia nuread̶amera. Maud̶e Dachi Akõreba ichi sõbiad̶eeba ẽbẽrarã ãrea karibaaruu. Maka ãreaba ichimaa bichíturu kid̶ibai ad̶ai maud̶e ichi ʉ̃rʉbena biꞌia jarad̶ai.
Maabae Jesusba arakʉd̶e jarasii: —Lázaro biusii.
Maud̶e Tomás, Mikisu abadau b̶uasii. Mauba waabenarã Jesús baara nibabadaurãmaa jarasii: —Judead̶aa wãd̶ai dachi sid̶a bead̶amera.