Juan 10:6 - Emberá Chamí

⁶ Jesusba nebʉrʉʉruuba maka berreasii maamina judiorãba kuitaad̶aabasii kãare jara b̶uu.

Juan 10:6 Referans Kwoze

Juan 16:25

»Mʉʉba ne jara b̶uud̶eeba mau machimaa jarasii, maamina ewari ab̶a mʉ waa nebʉrʉ b̶uud̶eeba berreabai. Maumaarã mʉ Chacha ʉ̃rʉbena arakʉd̶e jarai.

Mateo 13:51

Maabae Jesusba id̶isii: —Mʉʉba jarad̶a ¿machiba joma kauwa ũrisid̶aka? Ãchiba panausid̶au: —Maerã, dai Mechiu.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

1 Corintios 2:14

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.

Juan 8:43

Mʉʉba jara b̶uu ¿sakãe machiba kauwa ʉ̃rid̶awẽa panuma? Machiba kauwa ʉ̃rid̶awẽa panuu, mʉ bed̶ea ũrid̶ai kʉ̃riad̶akaud̶eeba.

Juan 8:27

Maamina kauwa ʉ̃rid̶aabasii Jesusba ichi Akõre ʉ̃rʉbena berrea b̶uu.

Juan 7:36

¿Sakãe ichiba maka jara b̶uma: “Machiba mʉ jʉrʉd̶ai maamina unud̶aabai”? Maud̶e ¿kãare jara b̶uma “mʉ wãaruumaa machi poyaa wãd̶aabai”?

Juan 6:60

Mau jaradea b̶uu ũrisid̶aud̶e ãrea Jesús baara nureeba jarasid̶au: «Jãuba jarad̶a chaarea b̶uu. ¿Kaiba poyaa ijãaima?»

Juan 6:52

Maka b̶uud̶e judiorã chiya kĩru berrea bara b̶eesii: —¿Saka ichiba ichi kakua dachimaa kobiaima?

Mateo 13:34

Mau joma Jesusba ẽbẽrarã ãreamaa mau nebʉrʉsii jaradeai baita. Nebʉrʉʉruuwãebʉrã, jaradeaka basii.

Marcos 4:34

Nebʉrʉʉruuwãebʉrã, jaradeaka basii. Maamina ichi baara nibabadaurã ãchi du ab̶a panuud̶e joma kuitaa jarabachii.

Juan 16:29

Maabae ichi baara nibabadaurãba jarasid̶au: —Ʉ̃raburu bichiba jara b̶uu dai baita arakʉd̶e ũri panuu. Nebʉrʉ b̶uud̶eeba berrea b̶uuwãe.

2 Pedro 2:22

Ãchi ẽbẽraba naka jarabadau kĩra nuree: «Usa otomaaped̶a waya neebarii chi otomaad̶a koi baita». Maud̶e naka jarabadau: «Sina kuiped̶a waya ioro susuad̶e bʉraa b̶eebarii».