Juan 10:28 - Emberá Chamí

²⁸ Mʉʉba jãarã Dachi Akõre ome ewaricha chokae b̶uabiabarii. Ewari ab̶a bid̶a wãꞌãed̶aabai maud̶e ab̶au bid̶a mʉ juad̶ebena poyaa juakaa adaud̶aabai.

Juan 10:28 Referans Kwoze

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

Romanos 8:29

Mau maka b̶uu ichiba naed̶e kuitaa b̶uasiid̶eeba kairã ichid̶irã bai. Ãchi b̶usii ichi Warr Jesús kĩra nuread̶amera. Maka ichi Warr ãbarã ãrea panuud̶ebena, mau chi nabenabʉ.

Juan 18:9

Maka jarasii ichiba naed̶e jara b̶uasiid̶eeba: «Chacha, bichiba mʉʉmaa dead̶a ab̶a bid̶a perdeebasii». Ichiba jarad̶a kĩra biawãra makasii.

Filipenses 1:6

Mʉʉba nau biawãra kuitaa b̶uu: Dachi Akõreba chi machi sõd̶e traju biꞌia waud̶a biꞌia kãrii ab̶a Jesucristo neeruud̶aa. Maud̶e ichiba machi joma biꞌia ua b̶uai.

1 Juan 2:25

Maka ãbua panuubʉrã, Cristoba dachimaa biawãra jarasii ewaricha Dachi Akõre ome chokae panad̶ai.

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Romanos 8:1

Jãabae Dachi Akõreba ne ab̶a bid̶a nebʉra barau awẽma, dachi Cristo Jesús ome panuud̶eeba.

Judas 1:24

Dachi Akõreba machi poyaa nu ua b̶uai b̶uu kachiruad̶e b̶aerãad̶amera. Ichi kĩrawãrea daad̶e kachiruaswãe poyaa biꞌia b̶ui. Aria machi kĩrajʉʉ panad̶ai.

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.

1 Juan 5:11

Dachi Akõreba jara b̶uu naubʉ: ichi Warrd̶eeba dachi ewaricha mau ome chokae nibabiai.

Judas 1:21

Dachi Akõre kʉ̃riad̶eeba nibásturu. Dachi Mechiu Jesucristoba kĩra chuburia b̶uud̶eeba ewaricha chokae nibabiad̶ai esed̶au panásturu.

1 Pedro 1:5

Jesucristod̶e ijãa panuud̶eeba Dachi Akõreba ichi poyaabariid̶eeba machi nu uru b̶uai, ab̶a chi kaad̶ebena ewarid̶e karibaaruud̶aa.

Juan 11:25

Jesusba jarasii: —Mʉ biud̶arã chokae jiradubiabarii maud̶e chokae b̶uai deabarii. Barikiuba mʉʉd̶e ijãaruubʉrã, biurumina ewaricha Dachi Akõre ome chokae nibai.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.

2 Tesalonicenses 2:13

Ãbarã, daiba ewaricha machi baita Dachi Akõremaa ichíturu kid̶ibai abadau. Dachi Mechiuba machi kʉ̃ria b̶uu. Ichiba arab̶aed̶eed̶e machi jʉrʉ adausii karibai baita. Machiba ichi bed̶ea biawãra ijãa panuud̶eeba maud̶e ichi Jauriba machi ichi baita biꞌia b̶ud̶ad̶eeba aid̶ai.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

Romanos 5:21

Biawãra ẽbẽrarãba kachirua waubadaud̶eeba biubadau. Maamina Dachi Akõreba ichi sõbiad̶eeba ẽbẽrarã chi ichid̶irã jipa nuree baara duanubarii Dachi Mechiu Jesucristod̶eeba ewaricha ichi ome chokae panad̶amera.

1 Timoteo 1:16

Maamina maud̶eeba Dachi Akõreba mʉ kĩra chuburiasii. Maka Jesucristoba mʉ, chi aude kachirua wau b̶uad̶ad̶eeba unubisii ichi joma dauchia jãadua esed̶au b̶uai b̶uu. Mʉʉd̶eeba chi wabid̶a ijãad̶akaurãmaa kuitaabiasii saka ẽbẽra kachirua kĩra chuburiabarii ewaricha chokae b̶uamera.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

Romanos 5:17

Biawãra ẽbẽra ab̶aba kachirua waud̶a kakua joma biubadau. Maamina june ẽbẽrad̶eeba, mau kãyabãra ewaricha ichi ome chi reyrã kĩra panad̶ai. Mau Jesucristod̶eeba Dachi Akõreba ne ab̶a bid̶a deábad̶e awẽa, ichi sõbiad̶eeba ãrea karibaped̶a, ẽbẽrarã nebʉraswãe nuree a jarabarii.

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Hechos 7:59

Mooba b̶atamaa panuud̶e Estebanba Dachi Akõremaa ʉtaa naka id̶isii: «Mʉ Mechiu Jesús, mʉ jauri adoese».

Juan 14:19

Kãꞌãabariwãed̶e ẽbẽrarã nau iujãad̶ebenarãba mʉ waa unud̶aabai maamina machiba mʉ unud̶ai. Mʉʉba chokae b̶uai uru b̶uud̶eeba, machia bid̶a chokae b̶uai uru nuread̶ai.

Juan 6:47

»Mʉʉba biawãra jaraaruu: ẽbẽraba mʉʉd̶e ijãaruubʉrã Dachi Akõre ome ewaricha chokae b̶uai uru b̶uai.

Juan 6:27

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

Romanos 5:9

Cristo oa chesiid̶eeba Dachi Akõreba dachi chi ichid̶irã jipa nuree baara duanusii. Maud̶eeba Cristod̶eeba Dachi Akõreba dachi kastikai bad̶a biawãra karibai.

Juan 6:68

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

Lucas 23:46

Ara makʉd̶e Jesusba jĩwa jarasii: —Chacha, mʉ jauri bichi juad̶e b̶uuruu. Maka jaraped̶a biusii.

Marcos 13:22

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Juan 10:29

Mʉ Chachaba jãarã mʉʉmaa deasii. Ichi jomaurã audeara chi mechiu nii. Ab̶au bid̶a ãchi mʉ Chacha juad̶ebena poyaa juakaa adaud̶aabai.

1 Juan 1:2

Mau chokae nibabiabarii Dachi Akõreba nau iujãad̶e unubiasii. Daiba mau unusid̶aud̶eeba mau ʉ̃rʉbena biawãra berrea panuu. Daiba machimaa jara panuu mau chi ewaricha chokae nibabiabarii. Arab̶aed̶eed̶e ichi Akõre ome bajãad̶e b̶uabachii. Mau bajãad̶e b̶uad̶a Dachi Akõreba daimaa nau iujãad̶e unubiasii.