Juan 10:10 - Emberá Chamí

¹⁰ Nechiruabarii neebarii oeja chiruai baita, beai baita maud̶e baribai baita. Maamina mʉ neesii, ẽbẽrarã ãrea chokae nibad̶amera.

Juan 10:10 Referans Kwoze

Lucas 19:10

Biawãra mʉ, chi Ẽbẽra Ba B̶uad̶aba chi adua duanuurã karibai baita jʉrʉd̶e neesii.

Juan 6:51

Mʉ chi panbʉ, chi chokae b̶uabibarii, chi bajãad̶ebena need̶a. Barikiuba mau pan kooruubʉrã ewaricha chokae b̶uai. Chi mʉʉba dea b̶uu pan mʉ kakuabʉ. Mʉʉba mʉ kakua deai, mauba ẽbẽrarã chokae nuread̶amera.

Juan 12:47

Ab̶aba mʉ bed̶ea ũriped̶a ijãawẽebʉrã, mʉʉba ichi kastikaabai, mʉ nau iujãad̶e nuree kastikai baita neewẽed̶eeba. Mʉ nau iujãad̶e nuree karibai baita neesii.

Juan 6:33

Mau Dachi Akõreba deabarii pan bajãad̶ebena need̶aba chi nau iujãad̶ebenarã chokae b̶uabiabarii.

Juan 3:17

Dachi Akõreba ichi Warr nau iujãad̶aa bʉibasii ẽbẽrarã kastikamera maumaarã bʉisii karibakuamera.

1 Timoteo 1:15

Nau bed̶ea biawãrad̶eeba jomaurãba mau ijãad̶ai panuu: Jesucristo nau druad̶aa neesii kachirua waubadaurã karibai baita. Maarãd̶ebena mʉ chi aude kachirua b̶uasii.

Juan 10:1

Mau ewarid̶e Jesusba jarasii: «Mʉʉba biawãra jaraaruu: barikia oeja nubadaumare poraad̶e nub̶uare ed̶a wãwẽebʉrã, mau kãyabãra ãyare ed̶a wãaruubʉrã, mau oeja nechiruabariibʉ maud̶e ẽbẽra kachiruabʉ.

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

2 Pedro 1:11

Maud̶e Dachi Mechiu Jesucristoba machi ida wãbiai ichi puurud̶aa, de poraa ewa nub̶uu kĩra. Dachi Karibabariiba dachi ewaricha biꞌia uru b̶uai.

Hebreos 6:17

Ara mau kĩra Dachi Akõreba arakʉd̶e kuitaabiai kʉ̃riasii chi ichiba deai jarad̶a ẽbẽrarãba mau biawãra adaud̶ai maud̶e ichiba kʉ̃risia b̶uu kĩra biawãra waubarii. Maud̶eeba ara ichi trʉ̃d̶eeba deai asii.

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

Romanos 2:21

Machiba waabenarãmaa maka jaradea panuubʉrã, ¿sakãe ara machi du ab̶a jaradead̶awẽma? Machiba jaradeabadau nechiruabai b̶uu. Maamina machi nechiruabadau.

Mateo 18:10

»Warr chekerã kʉ̃riad̶ai ida b̶urã́sturu. Mʉʉba jaraaruu: angelerã mʉ Chacha daad̶e panuuba ãchi nubadau.

Marcos 11:17

Ãchimaa naka jaradeasii: —Dachi Akõre bed̶ead̶e naka b̶ʉ kub̶uu: “Mʉ de, chi ʉtaa id̶ibadau de ad̶ai, joma puururã baita”. Maamina machiba “nechiruabadaurã chob̶ea” kĩra uru panuu.

Juan 12:6

Maamina ichiba maka jaraabasii chi nejarr barauwãe nuree aid̶ai kʉ̃risia b̶uasiid̶eeba, maumaarã maka jarasii nechiruabariid̶eeba. Ãchi chi nejarra nubadau ũabisa ichiba uru b̶uabachii maamina maud̶ebena chiruabachii.

Mateo 21:13

Ãchimaa naka jarasii: —Dachi Akõre bed̶ead̶e naka b̶ʉ kub̶uu: “Mʉ de, chi ʉtaa id̶ibadau de ad̶ai”. Maamina machiba “nechiruabadaurã de chob̶ea kĩra” uru panuu.

Juan 5:40

Maamina machi mʉʉmaa need̶ai, kʉ̃riad̶akau, mʉʉba chokae panabiamera.

Juan 10:11

»Mʉ oeja nubarii bia niibʉ. Chi oeja nubarii bia nii ichi oeja kakua biui b̶uu.

Mateo 18:11

Biawãra mʉ, chi Ẽbẽra Ba B̶uad̶aba chi barikiad̶e panad̶a karibai baita neesii.