39 Jesusba panausii: —Ichiad̶e nésturu. Wãsid̶aud̶e unusid̶au sama kãi b̶uasii. Mau ewarid̶e ichi baara paneesid̶au kewaraa ba b̶uasiid̶eeba.
Maamina ãchi baara b̶eemera ãrea chi chuburia id̶isid̶au: —Kiumaa b̶uud̶eeba wãrã́se. Dai baara b̶eese. Maud̶eeba ãchi baara b̶eesii.
Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.
Samariad̶ebenarã Jesusmaa need̶aped̶a chi chuburia id̶isid̶au ãchi baara b̶eemera. Maabae Jesús ãchi puurud̶e ewari ome b̶eesii.
Natanaelba Felipemaa jarasii: —¿Makarã Nazaretd̶ebena ne biꞌia neeika? Felipeba jarasii: —Wãd̶a ichiad̶e.
¡Ũrísturu! Mʉ poraad̶e b̶uma. Awareeba iu b̶uma machiba mʉ deed̶aa ida neebid̶amera. Barikiuba mʉ mimi ũriped̶a chi poraa ewaaruubʉrã, mʉ ed̶a wãped̶a mau baara koi.
Jesús akarrnaa ichiasiid̶e ichi kaad̶e needuu unusii. Maabae id̶isii: —Machiba ¿kãare kʉ̃ria panuma? Maarãba jarasid̶au: —Rabí, bichi ¿sama kãi b̶uma? (Mau bed̶ea Rabí jara b̶uu “Jaradeabarii”).
Juanba jarad̶a ũrid̶aped̶a Jesús baara wãped̶aad̶a ome panasid̶au. Ab̶a Simón Pedro ãba Andrés basii.