Hechos 9:36 - Emberá Chamí

³⁶ Mau ewarid̶e Jesusd̶e ijãabarii wẽra Tabita abadau Jope puurud̶e b̶uasii. Griego bed̶ead̶e ichi trʉ̃ Dorcas abachid̶au. Mau neekauba ne biꞌia wau b̶uabachii. Chi nejarr barauwãe nuree ãrea aid̶akuabachii.

Hechos 9:36 Referans Kwoze

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

Tito 2:7

Joma biꞌia wau b̶uud̶eeba jomaurãmaa unubi b̶uase saka nibad̶ai panuu. Kʉ̃risia biꞌia jipa jaradea b̶uase.

Hebreos 13:21

Mʉʉba kʉ̃ria b̶uu ara mau Dachi Akõreba ne joma biꞌia machimaa wau kuitaabiai, ichiba kʉ̃ria b̶uu kĩra poyaa waud̶amera. Maud̶e kʉ̃ria b̶uu Jesucristod̶eeba ichiba dachi sõd̶e ne joma waui ichiba kʉ̃ria b̶uu kĩra nuread̶amera. Dachiba ewaricha Jesucristomaa biꞌia berread̶ai panuu. Biꞌia b̶uu maka b̶uai.

Santiago 1:27

Chi biawãra ijãa b̶uuba naka waui b̶uu Dachi Bajãad̶ebena Akõreba ichiba wau b̶uu biꞌia unumera maud̶e jipa unumera: jẽramara maud̶e pẽdrãarã ãrea biꞌiwãe panuu aid̶ai b̶uu, maud̶e nau iujãad̶e nuree kachirua wau b̶uabai b̶uu.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

Hechos 10:31

Mau ẽbẽraba mʉʉmaa jarasii: “Cornelio, bichiba ʉtaa id̶i b̶uad̶a Dachi Akõreba biꞌia ũrisii. Ichiba kĩraba b̶uu chi bichiba chi nejarr barauwãe nuree aid̶abarii.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

1 Tesalonicenses 4:10

Machiba joma ãbarã Macedonia druad̶ebena mau kĩra kʉ̃ria panuu. Maamina ãbarã, daiba machimaa chi chuburia id̶i panuu aude chiya kʉ̃ria panad̶amera.

Filipenses 1:11

Mʉʉba ʉtaa id̶i b̶uu machi Jesucristod̶eeba ne jomad̶e jipa nuread̶amera. Maka ẽbẽrarãba Dachi Akõre chi mechiu nii ad̶ai maud̶e ichimaa biꞌia berread̶ai.

Juan 15:8

Machi Dachi Akõreba kʉ̃ria b̶uu ãrea wauduubʉrã unubid̶ai biawãra mʉ baara nibabadau. Maka unubid̶ai mʉ Chacha chi mechiu nii.

Juan 15:5

»Mʉ uva bakurubʉ. Machi mʉ bakuru juabʉ. Chi mʉ baara nuree Dachi Akõreba kʉ̃ria b̶uu ãrea waud̶ai, mʉ machi baara niid̶eeba. Machiba mʉʉswãe Dachi Akõre baita poyaa waud̶aabai.

Colosenses 1:10

Maka machi poyaa jipa nibad̶ai Dachi Mechiuba kʉ̃ria b̶uu kĩra maud̶e ne jomad̶e ichiba machi biꞌia unui. Biawãra machiba ne joma biꞌia wau panuud̶eeba nejõo biꞌia chaubarii kĩra duanad̶ai maud̶e Dachi Akõre biꞌia unu kãribad̶ead̶ai.

Hechos 9:38

Jope puuru Lida kaita b̶uasii. Chi Jesús baara nibabadaurãba ũrisid̶au Pedro Lidad̶e b̶uu. Maud̶eeba ẽbẽra ome ichimaa bʉisid̶au naka chi chuburia id̶id̶amera: «Daimaa isa neese».

Hechos 9:42

Joma Jope puurud̶e mau ʉ̃rʉbena kuitaasid̶au. Maka ãreaba Dachi Mechiud̶e ijãasid̶au.

Hechos 10:8

Cornelioba unud̶a joma nebʉrʉped̶a Jope puurud̶aa bʉikasii.

Hechos 10:23

Maabae Pedroba deed̶aa wãbisii. Mau ẽsabud̶e Pedro baara paneesid̶au. Norema Pedro jiraduped̶a ãchi baara wãsii. Maud̶e chi nuree ãbarã Jope puurud̶ebena ãchi baara wãsid̶au.

Hechos 11:5

—Jope puurud̶e b̶uasiid̶e mʉʉba Dachi Akõremaa ʉtaa id̶i b̶uasii. Maud̶e ẽeboro waib̶ʉa kĩra b̶uu Dachi Akõreba mʉ daumaa unubisii. Mau miducha jʉ̃karaba jʉ̃ b̶uu bajãad̶ebena ed̶aa mʉʉmaa neesii.

Hechos 11:13

Mau ẽbẽraba daimaa nebʉrʉsii ángel ichi ded̶e b̶uu unusii. Mauba ichimaa jarasii: “Jope puurud̶aa ẽbẽrarã bʉikase Simón, ara mau Pedro abadau jʉrʉd̶e wãd̶amera.

Mateo 25:17

Ara mau kĩra chi 2.000 adaud̶aba maucha 2.000 adausii.