Hechos 9:33 - Emberá Chamí

³³ Aria ẽbẽra Eneas abadau unusii. Mau ẽbẽra b̶akara bʉʉ niid̶eeba 8 año kʉd̶ad̶e b̶uasii.

Hechos 9:33 Referans Kwoze

Lucas 13:16

Maka b̶uubʉrã ¿bibuara b̶uuwãeka nau wẽra, Satanasba 18 año kachiruad̶e uru b̶uad̶ad̶ebena bari panabadau ewarid̶e aribiabii? ¿Mau sid̶a Abrahamd̶ebena need̶awãeka?

Hechos 14:8

Listra puurud̶e ẽbẽra chi naweba adaud̶ad̶eed̶ebena jʉ̃rʉ bʉʉ nii b̶uasii. Maka poyaa nibaka basii.

Hechos 4:22

chi ẽbẽrarãba ne poyaa waud̶akauba aribiabisiid̶e, mau ẽbẽra 40 años wãyaa uru b̶uasiid̶eeba.

Hechos 3:2

Aria Dachi Akõre de mechiud̶e ed̶a wãbadau Mipitaa ãrea b̶uu abadaud̶e, ẽbẽra chi naweba adaud̶ad̶eed̶ebena jʉ̃rʉ bʉʉ nii b̶uasii. Ẽbẽrarãba ichi ewaricha araa adoebachid̶au chi nejarra id̶ikamera chi aria wãaduurãmaa.

Juan 9:21

Maamina adua panuu saka id̶ibae unu b̶eesii, maud̶e adua panuu kaiba ichi aribiabisii. Jãu chõra baerã ichimaa id̶ísturu. Ara ichiba jaraika.

Juan 9:1

Wãaruud̶e Jesusba ẽbẽra chi naweba adaud̶ad̶eed̶ebena dau pãriu nii unusii.

Juan 5:5

Maud̶e ẽbẽra ab̶a 38 año ba b̶uasii ẽpermo b̶uu.

Marcos 9:21

Jesusba chi mau warr akõremaa id̶isii: —¿Sakaed̶eed̶e jãka b̶uma? Chi akõreba panausii: —Kaebe niid̶eed̶e jãka b̶uu.

Marcos 5:25

Maud̶e ẽbẽrarã tãed̶e wẽra ab̶a 12 año oamia inibasii.

Mateo 4:24

Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Hechos 9:32

Mau ewarid̶e Pedro ẽbẽrarã Dachi Akõred̶erã ichia nibabachii joma mau druad̶e. Ewari ab̶a ãbarã Lida puurud̶e nuree ichiad̶e wãsii.

Hechos 9:34

Maud̶e Pedroba jarasii: —Eneas, Jesucristoba bichi aribiabisii. ¡Jiraduse! Bichi kʉd̶a tõse. Ara makʉd̶e Eneas jiradusii.