Hechos 9:29 - Emberá Chamí

²⁹ Judiorã chi griego bed̶ead̶e berreabadaurã ome Jesús ʉ̃rʉbena berreabachii maamina ichi bead̶ai kʉ̃ria panasid̶au.

Hechos 9:29 Referans Kwoze

Hechos 6:1

Mau ewarid̶e chi Jesusd̶e ijãabadaurã maucha aude baraasii. Maud̶e chi griego bed̶ead̶e berreabadaurã judiorãba chi hebreo bed̶ead̶e berreabadaurã kachirua jara kopaneesid̶au. Jarasid̶au ãbarãba pẽdrãarã ewaricha aid̶aaduud̶e ãchi pẽdrãarã aid̶ad̶akau.

Judas 1:9

Maamina chi ángel aude mechiu nii Miguel abadauba maka wauka basii. Moisés biusiid̶e Miguel chi mau kakua ʉ̃rʉbena jʉbawãe nii ome chi kai juad̶e b̶eei ʉ̃rʉbena kĩru berreasid̶au. Maamina jʉbawãe niimaa kachirua jarai kʉ̃risiabasii, maumaarã jarasii: «Dachi Mechiuba bichi kastikai».

2 Corintios 11:26

Mʉ od̶e wãaruud̶e, do che nub̶uud̶e nibabachii, maud̶e nechiruabadau baraumare nibabachii. Ara mʉ ẽbẽrarã judiorã tãed̶e maud̶e judiowãerã tãed̶e mʉ kachiruad̶e b̶uasii. Puurud̶e maud̶e puuru awara mʉ kachiruad̶e b̶uasii. Mard̶e bid̶a kachiruad̶e b̶uasii. Biawãra ãbarãwãe kakua mʉ kachiruad̶e b̶uasii.

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 19:8

Jed̶ako õbea Pablo judiorã araa ãbua imibadau deed̶aa wã b̶uabachii. Aria wapeawẽa judiorã ome berrea b̶uabachii Dachi Akõreba ichi warr Jesusd̶eeba, ichid̶irã ichi juad̶e ua b̶uu ʉ̃rʉbena, mau ãchiba ijãad̶amera.

Hechos 18:19

Wãaduud̶e, Éfeso puurud̶e need̶aped̶a Pablo Aquila maud̶e Priscila ome b̶uad̶a ãyaa wãsii. Maud̶e judiorã araa ãbua imibadau deed̶aa wãped̶a judiorã ome Jesús ʉ̃rʉbena berreasii.

Hechos 17:17

Maka b̶uud̶e Pablo judiorã araa ãbua imibadau ded̶e ãchi ome maud̶e judiowãerã Dachi Akõre wapea nuree ome Jesús ʉ̃rʉbena berrea b̶uabachii. Mau awara puurud̶e ewaricha ẽbẽrarã ãrea duanuumaa berrea b̶uabachii.

Hechos 9:27

Maamina Bernabeba Saulo adoesii chi Jesusba bʉid̶arãmaa. Maabae ichiba nebʉrʉsii saka Sauloba Dachi Mechiu od̶e unusii, Dachi Mechiu ichi ome berread̶a maud̶e saka Sauloba Damasco puurud̶e Jesús ʉ̃rʉbena wapeawẽa berreabachii.

Judas 1:3

Ãbarã, mʉʉba nau kartad̶e Dachi Akõreba dachi karibad̶a ʉ̃rʉbena b̶ʉ kʉ̃ria b̶uasii. Maamina mʉ baita, bibuara b̶uu jãabae b̶ʉi kauwa panad̶amera. Chi machiba ijãa panuu ab̶aumaa ida ãyaa jaradeabirã́sturu. Dachi Akõreba chi biawãra bed̶ea ichi ẽbẽrarãmaa b̶es ab̶aburu deasii. Diware deakau.

Hechos 9:28

Maka Saulo ãchi ome b̶eesii. Maud̶e Jerusalend̶e Dachi Mechiu Jesús ʉ̃rʉbena wapeawẽa berrea nibabachii.