Hechos 9:17 - Emberá Chamí

¹⁷ Ara makʉd̶e Ananias Saulo b̶uumaa wãsii. Chi ded̶e ed̶a wãped̶a ichi jua Saulo ʉ̃rʉ kub̶uped̶a jarasii: «Ãba Saulo, Dachi Mechiu Jesús, chi bichiba od̶e unubid̶aba, mʉ neebisii waya bichi dauba unumera maud̶e Dachi Akõre Jaurid̶eeba b̶eemera».

Hechos 9:17 Referans Kwoze

Hechos 8:17

Pedroba maud̶e Juanba Dachi Akõremaa ʉtaa id̶iiduud̶e ãchi jua ãbarã ʉ̃rʉ kub̶usid̶au. Ara makʉd̶e Dachi Akõre Jauri adausid̶au.

Hechos 6:6

Chi ãbarãba maarã Jesusba bʉid̶arãmaa adoesid̶aud̶e, Dachi Akõremaa ʉtaa id̶iiduud̶e ãchi jua maarã ʉ̃rʉ kub̶usid̶au.

Hechos 2:4

Maud̶e Dachi Akõre Jaurid̶eeba paneed̶aped̶a bed̶ea didiwaraa berrea bara b̶eesid̶au, Dachi Akõre Jauriba berreabiad̶a kĩra.

1 Timoteo 5:22

Bichi jua ab̶au ʉ̃rʉ bid̶a isa kub̶urã́se, ijãabadaurã nubarii b̶uamera. Bichiba maka wauruubʉrã, mauba kachirua waud̶abʉrã bichi sid̶a nebʉrad̶e b̶uai mau kachirua baita. Joma kachiruad̶ebena awara b̶uase.

Hechos 13:52

Maamina chi Jesusd̶e ijãabadaurã Antioquiad̶e panuu ãrea kĩrajʉʉ panasid̶au maud̶e Dachi Akõre Jaurid̶eeba panasid̶au.

Filemón 1:16

Maamina mau bichi baita bari trajabarii kĩra uru b̶uabai b̶uu, maumaarã mau kãyabãra aude biꞌia uru b̶uai b̶uu. Cristod̶eeba bichi ãba baerã kʉ̃riad̶eeba uru b̶uai b̶uu. Mʉʉba mau ãrea kʉ̃ria b̶uu, maamina mau kãyabãra bichiba mau biꞌia kʉ̃riai b̶uu, bichi baita bari trajabariid̶eeba maud̶e Dachi Mechiud̶eeba bichi ãbad̶eeba.

2 Timoteo 1:6

Mʉ jua bichi ʉ̃rʉ kub̶usiid̶e Dachi Akõreba bichimaa deasii ichi baita ne waumera. Mau baita mʉʉba jaraaruu: Dachi Akõreba dead̶a biꞌia wau b̶uase, etabarrd̶e tʉbʉchia jãripuabarii kĩra.

1 Timoteo 4:14

Dachi Akõreba bichimaa waubi b̶uu dead̶a wãꞌãebirã́se. Ãbarã nubadaurãba ãchi jua bichi ʉ̃rʉ kub̶usid̶aud̶e Dachi Akõred̶eeba jarasid̶au ichiba mau dearuu.

1 Corintios 15:47

Chi nabena ẽbẽra Adán abadau ioro waud̶ad̶eeba, nau iujãad̶ebena basii. Chi mawãarebena ẽbẽra Jesucristo abadau bajãad̶ebenabʉ.

1 Corintios 15:8

Kaad̶eare mʉʉmaa unubisii. Mʉ chi warr bai naed̶e adaud̶a kĩra maka unubisii.

Romanos 15:7

Cristoba machi biꞌia irsibid̶a kĩra, chiya biꞌia irsibísturu. Mau unuuduud̶e ẽbẽrarãba Dachi Akõremaa biꞌia berread̶ai.

Hechos 26:15

Maud̶e mʉʉba id̶isii: “Mʉ mechiu, ¿bichi kaima?” Mʉ Mechiuba panausii: “Mʉ Jesusbʉ. Chi bichiba kachirua waui baita wãraa b̶uu.

Hechos 21:20

Mau ũrisid̶aud̶e ãbarãba Dachi Akõremaa biꞌia berreasid̶au. Maabae ãchiba Pablomaa jarasid̶au: —Ãba, bichiba kuitaa b̶uu judiorã ãreaba Jesusd̶e ijãa panuu. Maud̶e Moisesba b̶ʉd̶a ãchiba ãrea ijãabadau.

Hechos 19:6

Maabae Pabloba ichi jua ãchi ʉ̃rʉ kub̶usiid̶e Dachi Akõre Jauri ãchimaa neesii. Maud̶e bed̶ea didiwaraad̶e berreasid̶au maud̶e Dachi Akõre baita berreasid̶au.

Hechos 13:3

Maarãba chiko kod̶akau ewari waud̶aped̶a, Dachi Akõremaa ʉtaa id̶id̶aped̶a ãchi jua Bernabé maud̶e Saulo ʉ̃rʉ kub̶usid̶au. Maabae bʉisid̶au.

Hechos 10:36

Dachi Akõreba chi bed̶ea bia Jesucristo ʉ̃rʉbena jarabiasii israeld̶ebenarãmaa, Dachi Akõre baara biꞌia nuread̶amera. Mau Jesucristo jomaurã Mechiubʉ.

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Lucas 15:30

Maamina bichi warrba bichi chi nejarra wẽrarã aud̶uabadaurã ome joma kosii. Maabae bichimaa neesiid̶eeba, bichiba ichi baita paka warr chi aude borea nii beabisii ãbua kĩrajʉʉ kod̶ai baita”.

Lucas 2:11

Id̶i David chi naweba adaud̶a puuru Belend̶e machi karibabarii adausii. Mau Cristobʉ, Dachi Mechiu.

Lucas 1:76

Maabae Zacariasba ichi warr ʉ̃rʉbena naka jarasii: «Warr, bichi Dachi Akõre chi mechiu nii baita berreabarii ad̶ai. Bichi Dachi Mechiu naa wãi ichi o jarei baita.

Marcos 6:5

Aria Jesusba ẽbẽrarãba ne poyaa waud̶akau poyaa waubasii. Ẽbẽrarã ẽpermo nuree b̶aꞌãra aribiabiasii ichi juaba wausiid̶e.

Mateo 19:13

Maabae ẽbẽrarãba warrarã Jesusmaa adoesid̶au ichi jua maarã ʉ̃rʉ kub̶uped̶a Dachi Akõremaa ʉtaa id̶imera. Maamina Jesús baara nibabadaurãba chi mau warrarã adoeped̶aad̶arã iadaasid̶au.

Marcos 5:23

naka chi chuburia id̶isii: —Mʉ kau biumaa b̶uu. Bichi jua ichi ʉ̃rʉ kub̶ud̶e neese aribiamera.

Lucas 1:41

Elisabetba María bed̶ea ũriiruud̶e ichi warr b̶ited̶e b̶uu miipasii. Ara makʉd̶e Elisabet Dachi Akõre Jaurid̶e b̶eesii.

Lucas 1:67

Maabae chi Juan akõre Zacariasba Dachi Akõre Jaurid̶eeba naka berreasii:

Hechos 9:18

Ara makʉd̶e Saulo daud̶ebena b̶eda kara kĩra panuu b̶aesid̶au. Maud̶e waya biꞌia unu b̶eesii. Jiraduped̶a boro eabisii.

1 Corintios 9:1

¿Mʉʉba wau kʉ̃ria b̶uu wauwẽa b̶uka? ¿Mʉ Jesucristoba bʉid̶awãeka? ¿Mʉa bid̶a Dachi Mechiu Jesús unusiiwãeka? ¿Machiba mʉʉd̶eeba Dachi Mechiud̶e ijãaped̶aad̶awãeka?

2 Pedro 3:15

Kĩrabásturu Dachi Mechiuba ẽbẽrarã karibai baita joma jãadua b̶uu. Ara mau kĩra dachiba kʉ̃ria panuu ãba Pablo bid̶a kartad̶e machi baita b̶ʉsii, Dachi Akõreba ichimaa dead̶a kʉ̃risia kuitaad̶eeba.