Hechos 8:4 - Emberá Chamí

⁴ Maamina Jerusalend̶ebena miru wãped̶aad̶aba ãchi wãaduucha chi bed̶ea bia Jesús ʉ̃rʉbena jarabachid̶au.

Hechos 8:4 Referans Kwoze

Hechos 11:19

Esteban biud̶akare ẽbẽrarãba chi Jesusd̶e ijãabadaurã kachirua waud̶ai baita wãraasid̶au. Maud̶eeba ãbarã Jerusalend̶ebena miru wãurisid̶au. Fenicia druad̶aa, Chipre islad̶aa maud̶e Antioquía puurud̶aa wãsid̶au. Ãchi wãaduucha chi bed̶ea Jesús ʉ̃rʉbena ab̶a judiorãmáburu jarabachid̶au.

Hechos 8:1

Sauloba Esteban beaped̶aad̶a biꞌia unusii. Maud̶e chi nuree Dachi Akõre kʉ̃riabadaurãba Esteban jau b̶ud̶aped̶a, ãrea jẽasid̶au. Mau ewarid̶e ẽbẽrarãba Jerusalend̶e Jesusd̶e ijãabadaurã ãrea kachirua wau paneesid̶au. Maud̶eeba Jesusd̶e ijãabadaurã joma Judea druad̶aa maud̶e Samaria druad̶aa miru wãsid̶au. Jesusba bʉid̶arã Jerusalend̶e paneesid̶au.

Mateo 10:23

Puuru ab̶aud̶e ẽbẽrarãba machi wãraaduud̶e, junebena puurud̶aa miru wã́sturu. Mʉʉba biawãra jaraaruu. Machi Israel puuru joma decha jaradea nibad̶ai naed̶e, mʉ, chi Ẽbẽra Ba B̶uad̶a neei.

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

Hechos 15:35

Pablo maud̶e Bernabé Antioquiad̶e paneesid̶au. Maarã maud̶e ãbarã ãrea baarauba chi ijãabadaurã jaradea panasid̶au maud̶e Dachi Mechiu bed̶ea jarabachid̶au.

Lucas 1:2

Joma mau waud̶a unuped̶aad̶aba nebʉrʉsid̶au maud̶e jaradeasid̶au. Maabae chi karta b̶ʉped̶aad̶aba mau b̶ʉsid̶au.

Hechos 8:12

Maamina Felipeba Jesucristod̶eeba Dachi Akõreba ichid̶irã ichi juad̶e ua b̶uu ʉ̃rʉbena ãchimaa jaradea b̶uabachii. Maud̶e ãrea mukĩrarãba maud̶e wẽrarãba chi bed̶ea bia ijãad̶aped̶a boro easid̶au.