Hechos 8:35 - Emberá Chamí

³⁵ Ara makʉd̶e Felipeba mau bed̶ea bia Jesús ʉ̃rʉbena jara kob̶eesii.

Hechos 8:35 Referans Kwoze

Lucas 24:27

Maabae Dachi Akõre kartad̶e ichi ʉ̃rʉbena b̶ʉped̶aad̶a joma kuitaa jarasii. Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a joma kuitaa jarasii.

Hechos 18:28

Apolos aria b̶uumisa, jomaurã daad̶e Dachi Akõre bed̶ea b̶ʉd̶aba kuitaabiabachii Jesucristo Dachi Akõreba Dachi Karibabarii deai jarad̶a. Maud̶eeba judiorãba poyaa ab̶a bid̶a panaud̶aabasii.

1 Corintios 2:2

Machi tãed̶e b̶uasiid̶e mʉʉba ab̶aburu Jesucristo ʉ̃rʉbena maud̶e ichi cruzd̶e beaped̶aad̶a kuitaabiai kʉ̃ria b̶uasii.

Hechos 28:23

Maud̶e ãchiba ewari ab̶a b̶usid̶au. Mau ewari neesiid̶e ẽbẽrarã ãrea Pablo b̶uumaa neesid̶au. Daped̶eed̶ebena ab̶a kewaraad̶aa Pabloba berreamaa b̶uasii Dachi Akõreba ichid̶irã ichi juad̶e ua b̶uu ʉ̃rʉbena. Moisesba b̶ʉd̶ad̶eeba maud̶e Dachi Akõre baita berreabadaurãba b̶ʉped̶aad̶ad̶eeba jaradea b̶uasii Jesusd̶e ijãad̶amera.

Mateo 5:2

Maabae Jesusba naka jaradeadakasii:

Hechos 5:42

Mau maad̶akare ewaricha jaradeabachid̶au chi bed̶ea bia Jesús Dachi Akõreba dachi Karibabarii deai jarad̶a ʉ̃rʉbena. Mau jaradea wãbachid̶au Dachi Akõre de mechiud̶e maud̶e decha.

Efesios 4:21

Ãbarãba chi biawãra bed̶ea Cristo ʉ̃rʉbena biꞌia jaradeasid̶au maud̶e biawãra machiba ichi ʉ̃rʉbena ũrid̶aped̶a ijãasid̶au.

2 Corintios 6:11

Ãbarã Corintod̶ebena, daiba sõd̶eeba machi ãrea kʉ̃ria panuud̶eeba arakʉd̶e jara panuu.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

Hechos 19:13

Mau ewarid̶e chi nuree judiorãba jai kachirua duabʉikua nibabachid̶au. Maarãba Dachi Mechiu Jesús trʉ̃d̶eeba jai kachirua ẽbẽrarã kakuad̶ebena duabʉikad̶ai chaa panasid̶au. Naka jarabachid̶au: «Pabloba jaradea b̶uu Jesús trʉ̃d̶eeba mʉʉba jaraaruu: ãyaa wãse».

Hechos 11:20

Maka panuud̶e chi nuree Jesusd̶e ijãabadaurã Chipred̶ebena maud̶e Cirene puurud̶ebena Antioquiad̶e panad̶e wãsid̶au. Maarãba griegorãmaa chi bed̶ea bia Dachi Mechiu Jesús ʉ̃rʉbena jara kopaneesid̶au.

Hechos 10:34

Maud̶e Pedroba jarasii: —Biawãra ʉ̃raburu mʉʉba kuitaaruu Dachi Akõreba ab̶a chi ab̶au aude kʉ̃riakau.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

Hechos 3:20

ichiba chi Dachi Karibabarii deai jarad̶a bʉi naed̶e machimaa jara b̶uad̶a kĩra. Mau Jesusbʉ.

Hechos 17:18

Aria chi nuree kuitaa nuree Epicureod̶ebenarã maud̶e Estoicod̶ebenarã berrea paneesid̶au Pablo ome. Maarã chi nureeba jarabachid̶au: «¿Kãare jara kʉ̃ria b̶uma, nau chi bed̶ea ãrea niiba?» Waabenarãba jarabachid̶au: «Daimaarã, ãibena druad̶ebena akõre mechiu ʉ̃rʉbena jaradea b̶uu». Maka jarabachid̶au Pabloba jaradeamaa b̶uad̶ad̶eeba chi bed̶ea bia Jesús ʉ̃rʉbena maud̶e jaradeabachid̶eeba dachi biud̶a maad̶akare waya chokae jiradud̶ai.

Hechos 8:34

Maabae chi Etiopiad̶ebena trajabarii mechiuba Felipemaa id̶isii: —Dachi Akõre baita berreabariiba nama ¿kai ʉ̃rʉbena b̶ʉsma? ¿Ara ichi ʉ̃rʉbena b̶ʉska maebʉrã ab̶au ʉ̃rʉbena b̶ʉska? Michuburia jarase.