Hechos 7:60 - Emberá Chamí

⁶⁰ Maabae õdarrd̶e kob̶eeped̶a jĩwa jarasii: «Mʉ Mechiu, naarã ẽbẽrarãba kachirua wau panuu kʉde uru b̶uarã́se». Maka jaraped̶a biusii.

Hechos 7:60 Referans Kwoze

Mateo 5:44

Maamina mʉʉba jaraaruu: machi kĩramaabadaurã kʉ̃riásturu. Chi machimaa kachirua jaraaduumaa biꞌia jarásturu; machi kĩramaa panuu biꞌia wáusturu. Dachi Akõremaa ʉtaa id̶ísturu ãchi aid̶amera.

Lucas 23:34

[Maud̶e Jesusba jarasii: «Chacha, jãarãba wau panuu kʉde b̶eerã́se. Jãarãba adua panuu kãare wau panuu».] Mau awara chi kokoroarã Jesús paru saka dead̶akad̶ai kuitaad̶ai baita jemenesid̶au.

1 Corintios 15:20

Maamina Dachi Akõreba biawãra Cristo biu b̶uad̶ad̶ebena chokae jiradubisii. Biuped̶aad̶ad̶ebena ichi chi naa chokae jiradud̶abʉ. Maka Dachi Akõreba unubisii joma ichid̶irã sid̶a biawãra chokae jiradud̶ai.

Hechos 20:36

Maka jarasiid̶e Pablo õdarrd̶e kob̶eeped̶a joma ãchi baara Dachi Akõremaa ʉtaa id̶isid̶au.

Hechos 9:40

Maud̶e Pedroba joma awara wãbiasii. Õdarrd̶e kob̶eeped̶a Dachi Akõremaa ʉtaa id̶isii Dorcas chokae jiradubimera. Ʉtaa id̶iped̶a chi biud̶a nub̶uumaa ichiaruud̶e jarasii: —Tabita, ¡jiraduse! Ara makʉd̶e mau chi dau bũasii. Pedro unusiid̶e akʉ b̶eesii.

Lucas 6:28

Chi machimaa kachirua jaraaduumaa biꞌia jarásturu. Chi machi kachirua waubadau kakua Dachi Akõremaa ʉtaa id̶ísturu maarã aid̶amera.

1 Corintios 15:18

Makarã joma Cristod̶e ijãabadaurã biuped̶aad̶a wãꞌãesid̶au.

Hechos 21:5

Maamina 7 ewari basiid̶e dai wãsid̶au. Joma ãbarã, ãchi wẽrarã maud̶e ãchi warrarã dai baara puuru awara wãsid̶au. Aria mar iikaa ibud̶e õdarrd̶e duaneed̶aped̶a Dachi Akõremaa ʉtaa id̶isid̶au.

Hechos 13:36

»David chokae b̶uasiid̶e Dachi Akõreba ichid̶eeba wausii ichiba kʉ̃ria b̶uad̶a kĩra. Maabae David biud̶akare jau b̶usid̶au ichi nabẽraed̶ebenarã jau b̶uped̶aad̶amare. Maabae ichi b̶eraasii.

Lucas 22:41

Maabae Jesús ãchid̶ebena b̶aꞌãra waa wãsii. Õdarrd̶e kob̶eeped̶a Dachi Akõremaa naka ʉtaa id̶isii:

1 Tesalonicenses 5:10

Ichi dachi kakua biusii. Maud̶eeba dachi chokae panuubʉrã maebʉrã biuped̶aad̶abʉrã, ichi neeruud̶e ichi ome ãbua chokae panad̶ai.

1 Corintios 15:6

Mau maad̶akare ãbarã 500 araa ãbua panuumaa unubiasii. Ãchid̶ebena chi nuree biusid̶au maamina ãrea wabid̶a chokae panuu.

Mateo 27:52

Biud̶arã jau b̶ubadau ewakuasii. Maud̶e Dachi Akõred̶e ijãabadaurã biuped̶aad̶a ãrea chokae jiradukuasid̶au.

1 Corintios 11:30

Maud̶eeba ãrea machid̶ebenarã kakua biꞌiwãe nuree, ẽpermo nuree maud̶e waabenarã chi nuree biusid̶au.

1 Corintios 15:51

Ũrísturu. Dachi Akõreba naed̶e kuitaabiawẽa b̶uad̶a mʉʉba kuitaabii: joma dachi biud̶aabai, maumaarã chi kakua kĩra awara paneed̶ai.

Juan 11:11

Maka jaraped̶a Jesusba waya jarasii: —Dachi kõpaero Lázaro kãi nub̶uu maamina mʉʉba mau ʉ̃rʉmad̶e wãaruu.

2 Timoteo 4:16

Ara michi baita chi juez daad̶e berreasiid̶e ab̶au bid̶a mʉ kakua berreabasii, mʉ aid̶ai baita. Maumaarã jomaurãba mʉ ida b̶usid̶au. Mʉʉba kʉ̃riawẽe mau ʉ̃rʉbena Dachi Akõre daad̶e maarã nebʉra baraa panuu ayu.

2 Pedro 3:4

Naka atua jarad̶ai: «Cristo neei jarad̶a ¿kãare sãasma? Dachi nabẽraed̶ebenarã joma biusid̶au. Maamina nau iujãa wausiid̶eed̶ebena joma ara maka b̶uu».