Hechos 7:59 - Emberá Chamí

⁵⁹ Mooba b̶atamaa panuud̶e Estebanba Dachi Akõremaa ʉtaa naka id̶isii: «Mʉ Mechiu Jesús, mʉ jauri adoese».

Hechos 7:59 Referans Kwoze

Lucas 23:46

Ara makʉd̶e Jesusba jĩwa jarasii: —Chacha, mʉ jauri bichi juad̶e b̶uuruu. Maka jaraped̶a biusii.

Hechos 22:16

¡Waa esed̶ause! Jiraduped̶a bichi boro eabise. Ʉtaa id̶ise. Bichiba kachirua waud̶a ichiba joma perdonai”.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

Hechos 9:14

Mau awara paare mechiurã trʉ̃d̶eeba nau puurud̶aa nee b̶uu chi bichid̶e ijãa nuree joma jidau uad̶oi baita.

Hechos 2:21

Maamina chi Dachi Mechiumaa chi chuburia id̶iiduu joma karibai”.

Hechos 9:21

Joma mau ũriiduuba kuitaa kʉ̃risiad̶aabasii. Ãchiba naka id̶i duanasid̶au: «¿Nauwãeka chi Jerusalend̶e Jesusd̶e ijãabadaurã kenai baita wãraa b̶uad̶a? ¿Nama nee b̶uuwãeka ãchi paare mechiurãmaa jʉ̃a b̶uu adooi baita?»

2 Timoteo 2:22

Kũudrãarãba kachirua kʉ̃riabadau kĩra waurã́se. Mau kãyabãra jipa waui baita b̶uase. Jesusd̶e ijãa b̶uase. Jomaurã kʉ̃ria b̶uase. Jomaurã ome jirukaraayuwãe b̶uase. Dachi Mechiumaa ʉtaa id̶ibadaurã ome sõ jipa b̶uud̶eeba joma mau baara wã b̶uase.