Hechos 7:35 - Emberá Chamí

³⁵ »Israeld̶ebenarãba Moisés ida b̶usid̶au. Ichimaa naka jarasid̶au: “¿Kaiba bichi dai karr b̶usma? ¿Kaiba bichi dai juez b̶usma?” Maamina ara mau Moisés Dachi Akõreba Egiptod̶aa bʉisii israeld̶ebenarã jaradea ua b̶uabarii b̶uamera maud̶e ãchi mamauba adoemera. Chi ángel bakuru jeed̶aa nub̶uud̶e need̶a poyaad̶eeba maka wausii.

Hechos 7:35 Referans Kwoze

Lucas 19:14

Maamina ichi druad̶ebenarãba mau ãrea kĩramaa panuud̶eeba, ẽbẽrarã bʉisid̶au jomaurã jaradea ua b̶uabariimaa naka jarad̶amera: “Daiba kʉ̃riawẽa panuu jãu dai rey bayu”.

Apocalipsis 15:3

Chi arpa chaamaa panuud̶e Moisés chi Dachi Akõre baita bari trajabarii kari, maud̶e chi Oeja Kaebe Nii kari karimaa panasii. Naka karisid̶au: «Dachi Mechiu, Dachi Akõre, chi Joma Poyaabarii, bichiba wau b̶uu ãrea bibuara b̶uu. Bichiba wau b̶uu ʉ̃rʉbena ẽbẽrarãba kuitaa kʉ̃risiad̶akau. Jomaurã Mechiu, bichiba wau b̶uu jipa b̶uu maud̶e bichi bed̶ea ab̶a b̶uu biawãrabʉ.

Hebreos 2:2

Dachi Akõreba naed̶e waubi b̶uad̶a bed̶ea angelerãd̶eeba deasii. Mau bed̶ea ẽbẽrarãba joma ũribaba waud̶ai panasii. Joma chi mau bed̶ea waud̶aka bad̶a, maud̶e kʉ̃riad̶aa bad̶a sid̶a Dachi Akõreba kastikakuabachii ara chi kachirua wauped̶aad̶a kĩra.

Colosenses 1:15

Chi Dachi Akõre dachiba unud̶akau, mau Jesucristod̶eeba unubadau. Ichi Dachi Akõre Nabena Warrd̶eeba joma Dachi Akõreba waud̶a chi Mechiu.

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Hechos 7:30

»Cuarenta años basiid̶e ewari ab̶a Moisés drua sirua wãꞌãe b̶uud̶e Sinaí ea kaita b̶uasii. Maud̶e ángel ab̶a bakuru jeed̶aa aoko nub̶uud̶e ichimaa unubisii.

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

Hechos 3:22

»Moisesba dachi nabẽraed̶ebenarãmaa naka jarasii: “Dachi Akõre Mechiuba mʉ bʉid̶a kĩra ichi baita berreabarii ab̶a machimaa bʉii. Mau ẽbẽra ara machi puurud̶ebena bai. Mauba jaraaruu joma ijã́sturu.

Hechos 2:36

»Maud̶eeba joma israeld̶ebenarã, biawãra kuitásturu: Jesús, chi machiba cruzd̶e jirab̶ubiped̶aad̶a, Dachi Akõreba mau chi jomaurã Mechiu maud̶e Dachi Karibabarii deai jarad̶a b̶usii».

Juan 19:15

Maamina ãchiba jĩwa jarasid̶au: —¡Beabise! ¡Beabise! ¡Cruzd̶e jirab̶u beabise! Maud̶eeba Pilatoba jarasii: —¿Makarã mʉʉba machi rey cruzd̶e jirab̶u beabi kʉ̃ria panuka? Maabae chi paare mechiurãba panausid̶au: —¡Dai rey june wãꞌãe panuu, César Augusto awara!

Juan 18:40

Maud̶e ãchiba jĩwa jarasid̶au: —Jãuwãema. ¡Barrabás enatase! Mau Barrabás mia kachirua nii basii.

Marcos 12:26

¿Machiba biuped̶aad̶arã chokae jiradud̶ai ʉ̃rʉbena Moisés kartad̶e ed̶a jarad̶awẽa panuka? Dachi Akõreba Moisesmaa jarasii: “Mʉ Abraham Akõre Mechiubʉ, Isaac Akõre Mechiubʉ maud̶e Jacob Akõre Mechiubʉ”.