Hechos 6:6 - Emberá Chamí

⁶ Chi ãbarãba maarã Jesusba bʉid̶arãmaa adoesid̶aud̶e, Dachi Akõremaa ʉtaa id̶iiduud̶e ãchi jua maarã ʉ̃rʉ kub̶usid̶au.

Hechos 6:6 Referans Kwoze

2 Timoteo 1:6

Mʉ jua bichi ʉ̃rʉ kub̶usiid̶e Dachi Akõreba bichimaa deasii ichi baita ne waumera. Mau baita mʉʉba jaraaruu: Dachi Akõreba dead̶a biꞌia wau b̶uase, etabarrd̶e tʉbʉchia jãripuabarii kĩra.

Hechos 1:24

Maabae jomaurãba Dachi Akõremaa naka ʉtaa id̶isid̶au: —Dai Mechiu, Judas bichiba bʉid̶a b̶aesii. Ichiba waui b̶uu ida b̶usii ichi b̶uai b̶uumaa wãi baita. Jomaurãba sõd̶e kʉ̃risia panuu bichiba mau kuitaa b̶uu. Maud̶eeba daimaa kuitaabiáse nau ẽbẽra omed̶ebena sãu jʉrʉ adauruu bichiba bʉid̶aba waubadau waumera.

1 Timoteo 4:14

Dachi Akõreba bichimaa waubi b̶uu dead̶a wãꞌãebirã́se. Ãbarã nubadaurãba ãchi jua bichi ʉ̃rʉ kub̶usid̶aud̶e Dachi Akõred̶eeba jarasid̶au ichiba mau dearuu.

Hechos 8:17

Pedroba maud̶e Juanba Dachi Akõremaa ʉtaa id̶iiduud̶e ãchi jua ãbarã ʉ̃rʉ kub̶usid̶au. Ara makʉd̶e Dachi Akõre Jauri adausid̶au.

Hechos 13:3

Maarãba chiko kod̶akau ewari waud̶aped̶a, Dachi Akõremaa ʉtaa id̶id̶aped̶a ãchi jua Bernabé maud̶e Saulo ʉ̃rʉ kub̶usid̶au. Maabae bʉisid̶au.

Hechos 9:17

Ara makʉd̶e Ananias Saulo b̶uumaa wãsii. Chi ded̶e ed̶a wãped̶a ichi jua Saulo ʉ̃rʉ kub̶uped̶a jarasii: «Ãba Saulo, Dachi Mechiu Jesús, chi bichiba od̶e unubid̶aba, mʉ neebisii waya bichi dauba unumera maud̶e Dachi Akõre Jaurid̶eeba b̶eemera».

1 Timoteo 5:22

Bichi jua ab̶au ʉ̃rʉ bid̶a isa kub̶urã́se, ijãabadaurã nubarii b̶uamera. Bichiba maka wauruubʉrã, mauba kachirua waud̶abʉrã bichi sid̶a nebʉrad̶e b̶uai mau kachirua baita. Joma kachiruad̶ebena awara b̶uase.

Marcos 5:23

naka chi chuburia id̶isii: —Mʉ kau biumaa b̶uu. Bichi jua ichi ʉ̃rʉ kub̶ud̶e neese aribiamera.

Hechos 9:12

Mʉʉba ichi unubisii mukĩra Ananias abadau ichimaa neeped̶a ichi ʉ̃rʉ jua kub̶uuruu ichi dauba waya unumera.

Hechos 19:6

Maabae Pabloba ichi jua ãchi ʉ̃rʉ kub̶usiid̶e Dachi Akõre Jauri ãchimaa neesii. Maud̶e bed̶ea didiwaraad̶e berreasid̶au maud̶e Dachi Akõre baita berreasid̶au.