Hechos 6:3 - Emberá Chamí

³ Maud̶eeba ãbarã, machid̶ebena 7 ẽbẽrarã jipa nuree jʉrʉ́sturu. Ãchi Dachi Akõre Jaurid̶eeba nuread̶ai panuu maud̶e kʉ̃risia kuitaa nuread̶ai panuu. Maarã daiba b̶ud̶ai pẽdrãarã maud̶e waabenarã aid̶ad̶amera.

Hechos 6:3 Referans Kwoze

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.

3 Juan 1:12

Ãba Demetrio ʉ̃rʉbena jomaurãba biꞌia berrea panuu. Chi biawãra bed̶ea ijãa b̶uud̶eeba unubia b̶uu ichi jipa nii. Dai bid̶a ichi ʉ̃rʉbena biꞌia kʉ̃risia panuu. Machiba kuitaa panuu daiba jara panuu biawãrabʉ.

Santiago 1:17

Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

Efesios 5:18

Ituaba biu nibarã́sturu. Mauba kachirua aude waubibarii. Biu nibad̶ai audeara Dachi Akõre Jaurid̶eeba nureásturu.

1 Corintios 16:3

Mʉ neeruud̶e chi ãbarã machiba peped̶aad̶a maarã ome mʉʉba Jerusalend̶aa chi nejarra urubʉʉi. Ãbarã Jerusalend̶ebenarãba ãchi biꞌia irsibid̶amera mʉʉba maarã ome karta urubʉʉi.

Hechos 22:12

»Aria ẽbẽra Ananias abadau b̶uasii. Mau ẽbẽraba Dachi Akõre wapea b̶uud̶eeba Moisesba b̶ʉd̶ad̶e jara b̶uu kĩra waubachii. Maud̶eeba joma judiorã Damasco puurud̶ebenaba ichi ʉ̃rʉbena biꞌia berreasid̶au.

Hechos 10:22

Ãchiba panausid̶au: —Dai kokoroarã chi jaradea ua b̶uabarii Cornelioba bʉisii. Ichi ẽbẽra jipa nii maud̶e Dachi Akõre wapeadee nii. Joma judiorãba ichi ʉ̃rʉbena biꞌia kʉ̃risia panuu. Dachi Akõre angelba bichi ichi deemaa neei iusii bichi bed̶ea ũrimera.

Hechos 6:6

Chi ãbarãba maarã Jesusba bʉid̶arãmaa adoesid̶aud̶e, Dachi Akõremaa ʉtaa id̶iiduud̶e ãchi jua maarã ʉ̃rʉ kub̶usid̶au.

Hechos 2:4

Maud̶e Dachi Akõre Jaurid̶eeba paneed̶aped̶a bed̶ea didiwaraa berrea bara b̶eesid̶au, Dachi Akõre Jauriba berreabiad̶a kĩra.

Hechos 1:21

»Maud̶eeba ichi kakua machid̶ebena ab̶a dai ome b̶eei b̶uu ẽbẽrarãmaa jarai baita Jesús biawãra chokae jiradusii. Mau ẽbẽra dachi ome b̶uai b̶uu Juanba Dachi Mechiu Jesús boro easiid̶eed̶ebena ab̶a Dachi Akõreba Jesús bajãad̶aa adoed̶a ewarid̶aa».

Mateo 23:8

»Maamina machi arab̶au ãbarã nureed̶eeba maud̶e Jaradeabarii ab̶a uru panuud̶eeba kʉ̃riad̶aabai panuu ẽbẽrarãba machimaa “Jaradeabarii” ad̶ayu.

1 Corintios 12:8

Dachi Akõre Jauriba waabenarã chi nureerãmaa dea b̶uu ichi kʉ̃risia kuitaad̶eeba poyaa berread̶amera. Dachi Akõre Jauri ara ab̶a niiba chi nureemaa dea b̶uu ichid̶eeba kuitaaped̶aad̶a poyaa jaradead̶amera.

Hechos 16:2

Ãbarã Listrad̶ebenaba maud̶e Iconio puurud̶ebenaba mau Timoteo ʉ̃rʉbena biꞌia jarabachid̶au.

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Hechos 9:30

Ãbarãba mau kuitaasid̶aud̶e Saulo Cesarea puurud̶aa adoesid̶au. Maad̶akare ichi puuru Tarso puurud̶aa bʉisid̶au.

Juan 21:23

Maka jarad̶a kakua ãrea ãbarãba kʉ̃risiasid̶au chi Jesusba ãrea kʉ̃ria b̶uu abadau biubai. Maamina Jesusba jarawẽa b̶uasii jãu biubai. Maumaarã jarasii: “Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa, ¿bichiba mau sakaima?”

Hechos 1:15

Maka panuud̶e ewari ab̶ad̶e Pedro chi ãbarã 120 ẽsa ʉkʉ nub̶eesii. Maud̶e jarasii:

Hechos 6:2

Maud̶eeba chi Jesusba bʉid̶arã 12 panuuba joma Jesusd̶e ijãabadaurã ãbua duanuud̶e naka jarasid̶au: —Biꞌia b̶uwãema daiba Dachi Akõre bed̶ea jaradea panuu ida b̶ud̶ai pẽdrãarã aid̶ad̶ai baita.

Hechos 6:5

Ãchiba jaraped̶aad̶a jomaurãba biꞌia ũrisid̶au. Maud̶eeba Esteban jʉrʉ adausid̶au. Mau Estebanba Jesusd̶e ãrea ijãa b̶uasii; Dachi Akõre Jaurid̶eeba b̶uasii. Ichi awara Felipe, Prócoro, Nicanor, Timón, Parmenas maud̶e Nicolás Antioquía puurud̶ebena jʉrʉ adausid̶au. Mau Nicolás griego basii maamina judio kĩra b̶uabachii.

Hechos 28:14

Aria daiba chi nuree ãbarã unusid̶au. Maarãba daimaa jarasid̶au ãchi baara 7 ewari panad̶amera. Maad̶akare Roma puurud̶aa wãsid̶au.