Hechos 6:14 - Emberá Chamí

¹⁴ Ichiba jarasii Jesús Nazaretd̶ebenaba Dachi Akõre de mechiu ãrii maud̶e Moisesba jaradea b̶uad̶a kĩra diware waui. Jãuba maka berrea b̶uu daiba ũrisid̶au».

Hechos 6:14 Referans Kwoze

Hechos 21:21

Maamina bichi ʉ̃rʉbena setaa ũrisid̶au. Waabenarãba ãchimaa jarasid̶au bichiba joma judiorã griego tãed̶e nureerãmaa Moisés ida b̶ubi b̶uu, ãchi warrarã mukĩra chi kakua tõobiakau maud̶e waabena dachi judiorãba waubadau sid̶a waubiakau.

Hechos 15:1

Mau ewarid̶e chi nuree Judea druad̶ebenarã Antioquía puurud̶aa wãsid̶au. Aria ãchiba ãbarã judiowãerãmaa jaradea paneesid̶au Moisesba b̶ʉd̶a kĩra mukĩra chi kakua tõod̶aabasiibʉrã, Dachi Akõreba karibaabai.

Gálatas 3:23

Cristod̶e ijãad̶ai naed̶e dachi Moisesba b̶ʉd̶a juad̶e panasid̶au. Maud̶ebena poyaa awara wãd̶aabasii ab̶a Dachi Akõreba Cristo kuitaabiiruud̶aa.

Gálatas 3:19

Makarã ¿Dachi Akõreba sakãe Moisesmaa chi ichiba b̶ʉd̶a b̶ʉbisma? Maka wausii ẽbẽrarãba kachirua waubadau kuitaad̶amera. Ẽbẽrarã mau Moisesba b̶ʉsiid̶eeba panasid̶au ab̶a Abrahamd̶ebena neei b̶uad̶a neeruud̶aa, ichid̶eeba Dachi Akõreba karibai asiid̶eeba. Dachi Akõreba Moisesmaa mau ichiba b̶ʉd̶a angelerãd̶eeba deasii. Mau dead̶akare Moisesba ẽbẽrarãmaa deasii.

Hechos 28:17

Ewari õbea basiid̶e Pabloba Romad̶ebena judiorã chi mechiurã iubiasii. Joma imisid̶aud̶e Pabloba jarasii: —Ãbarã, mʉ ab̶au bid̶a dachi judiorãmaa biꞌiwãe wau b̶uasmina, maud̶e dachi nabẽraed̶ebenarãba waubadau kachirua berreawẽa b̶uasmina, mʉ Jerusalend̶e jʉ̃a b̶ud̶aped̶a, maabae romad̶ebenarã juad̶e b̶usid̶au.

Juan 4:21

Jesusba panausii: —Mʉʉba jara b̶uu ijãase. Ewari ab̶a neeruud̶e machiba biawãra Dachi Akõremaa biꞌia berread̶ai. Maamina maka waud̶aabai nau ead̶e maebʉrã Jerusalend̶e bid̶a.

Lucas 21:6

—Machiba nama unu panuu ewari ab̶ad̶e joma ãrid̶ai. Nau mo kaped̶aad̶a joma ãrid̶ai.

Hechos 26:3

Bichiba ãrea kuitaa b̶uu dachi judiorã saka nureabadau maud̶e kĩra awara berreabadau. Maud̶eeba chi chuburia id̶iiruu mʉ bed̶ea kakua ãkaawẽa ũrimera.

Hechos 25:8

Maud̶e Pabloba panausii: —Mʉʉba ab̶a bid̶a kachirua wauwẽa b̶uu. Moisesba b̶ʉd̶a ida b̶uwẽa b̶uu, Dachi Akõre de mechiu kachiruabiwẽa b̶uu maud̶e Romad̶ebena chi aude mechiu nii sid̶a ida b̶uwẽa b̶uu.

Lucas 21:24

Waabenarã espadaba kenad̶ai, maud̶e waabenarã drua b̶eecha jidau adoekuad̶ai. Maud̶e judiowãe nureerãba Jerusalén ãchi juad̶e uru panad̶ai ab̶a Dachi Akõreba b̶ud̶a ewarid̶aa.

Marcos 14:58

—Daiba ũrisid̶au ichiba jaraaruu: “Mʉʉba Dachi Akõre de mechiu poyaa ãrii b̶uu, maamina ewari õbead̶e waya waui b̶uu. Maamina ẽbẽrarãba waubadau kĩra waubai”.

Mateo 26:61

Maarãba jarasid̶au: —Nau ẽbẽraba jarasii: “Mʉʉba Dachi Akõre de mechiu poyaa ãrii b̶uu, maamina ewari õbead̶e waya waui b̶uu”.

Juan 2:19

Jesusba panausii: —Nau de mechiu ãriiduubʉrã, mʉʉba ewari õbead̶e waya waui.