Hechos 6:10 - Emberá Chamí

¹⁰ Maamina ãchiba Esteban ome poyaad̶aabasii, ichi Dachi Akõre Jauri kʉ̃risia kuitaad̶eeba berreabachiid̶eeba.

Hechos 6:10 Referans Kwoze

Lucas 21:15

Mʉaburu machimaa kʉ̃risia kuitaa deai berread̶ai kuitaad̶amera. Maud̶eeba machiba jaraaduu machi kĩramaa panuuba poyaa kachirua jarad̶aabai.

1 Corintios 2:4

Mʉʉba Jesús ʉ̃rʉbena jaradea b̶uasiid̶e mʉ kʉ̃risia kuitaad̶eeba maka waubasii machiba ijãad̶amera. Maumaarã Dachi Akõre Jauriba ichi poyaad̶eeba kuitaabiasii mau bed̶ea biawãra.

Juan 7:46

Maud̶e chi Dachi Akõre de nubadaurãba panausid̶au: —Ab̶au bid̶a jãu ẽbẽraba berrea b̶uu kĩra berreakau.

Lucas 1:17

Eliasba uru b̶uad̶a jauri maud̶e chi poyaabarii bichi warrba uru b̶uai. Maud̶eeba ichi Dachi Mechiu naa wãi chi akõrerã ãchi warrarã baara waya kĩrajʉʉ panabiai baita. Mau awara chi ijãad̶akau nuree sid̶a aid̶ai, jipa nureerãba kʉ̃risiabadau kĩra kʉ̃risiad̶amera. Maka aid̶ai puurud̶ebenarãba Dachi Mechiu biꞌia irsibid̶amera.

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Hechos 5:39

Maamina Dachi Akõreba mau waubi b̶uubʉrã, machiba poyaad̶aabai. Kaubaa, Dachi Akõre ome chĩomaa paneed̶ai. Gamalielba jarad̶a jomaurãba ijãasid̶au.

Hechos 6:9

Maud̶e waabenarã judiorã Cirene druad̶ebena maud̶e Alejandría puurud̶ebena panasid̶au. Ãchi judiorã araa ãbua imibadau de “Chi chibari baita bari trajabarii enakuaped̶aad̶arã” abachid̶au. Waabena judiorã Cilicia druad̶ebena maud̶e Asia druad̶ebena panasid̶au. Joma mau judiorã Esteban ome oa kachirua berrea duaneesid̶au.

Hechos 6:11

Maud̶eeba ãchiba waabenarã ẽbẽrarãmaa chi nejarra deasid̶au naka setaa waud̶amera: «Daiba ũrisid̶au jãu ẽbẽraba Moisés ʉ̃rʉbena maud̶e Dachi Akõre ʉ̃rʉbena kachirua berrea b̶uu».