Biblia Todo Logo
Bib sou entènèt

- Piblisite -




Hechos 5:36 - Emberá Chamí

36 Kĩrabásturu ãrea kãꞌãabariwãed̶e chi mukĩra Teudas abadau ichi jomaurã audeara mechiu nibai kʉ̃risiasii. Mau baara 400 mukĩrarã panasid̶au. Maamina mau mukĩra beasid̶aud̶e chi baara nibaped̶aad̶a aꞌawaraa wãurisid̶au. Maabae joma ichiba waui kʉ̃risia b̶uad̶a wãꞌãesii.

Gade chapit la Kopi




Hechos 5:36
14 Referans Kwoze  

Jaibana Simón abadau aria b̶uasii. Ara ichi chi mechiu nii kʉ̃risiasiid̶eeba maud̶e ãrea chokae b̶uasiid̶eeba, Samariad̶ebenarã setaa kũrua uru b̶uasii.


Maarãba waabenarã daad̶e ãrea mianejasia waubadau, ẽbẽrarã ãreaba ara mau kĩra waud̶ai. Maarã ʉ̃rʉbena ẽbẽrarãba chi biawãra bed̶ea kakua kachirua berread̶ai.


Ichi daub̶ʉʉrʉd̶e trʉ̃ ab̶a ẽbẽrarãba kauwa ũrid̶akau b̶ʉ inibasii. Naka b̶ʉ inibasii: «Mʉ Babilonia chi puuru mechiubʉ. Mʉ wẽrarã aud̶uabadaurã nawebʉ, maud̶e ne joma Dachi Akõreba nau iujãad̶e kʉ̃riakau nawebʉ».


Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.


Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.


Chi mechiurã abadau ãbarãba kʉ̃risia awara jarad̶aabasii mʉʉba jaradeamera. Maumaarã kuitaasid̶au Dachi Akõreba mʉ bʉisii chi bed̶ea bia Cristo ʉ̃rʉbena judiowãerãmaa jaradeamera Pedro judiorãmaa bʉid̶a kĩra. (Ãchi chi mechiurã panuu abadamina, mʉ baita arab̶aud̶e b̶uu, Dachi Akõreba dachi kĩra awara unukaud̶eeba).


¿Bichiwãeka chi Egiptod̶ebena, ẽbẽrarã naed̶e kĩrubikaped̶a, moded̶ebenarã 4.000 drua sirua wãꞌãe b̶uud̶aa adoesiiwãeka?


Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.


Ara makʉd̶e Dachi Akõre Jaurid̶eeba angelba mʉ drua sirua wãꞌãe b̶uud̶aa adoesii. Aria mʉʉba wẽra ab̶a ãnimara kachirua ʉ̃rʉ akʉ b̶uu unusii. Puria nibasii maud̶e ichi kakuad̶e trʉ̃ ãrea Dachi Akõre ʉ̃rʉbena kachirua jaraaruu b̶ʉ inibasii. Boro 7 maud̶e kachu 10 inibasii.


Ãchiba mipitaa berreaduuba jaradeabadau. Maamina mauba aid̶akau. Ãchiba jaradeabadau nau kakuaba kachirua wau kʉ̃ria b̶uu waud̶ai panuu. Maka chi ara ea kachiruad̶ebena wãped̶aad̶a nuree ãchiba setaa kũruabadau waya kachirua waud̶amera.


»Maud̶eeba ab̶auba machimaa jaraaruubʉrã: “Ũrísturu, Dachi Akõreba Dachi Karibabarii deai jarad̶a drua sirua wãꞌãed̶e b̶uu”, mamaa wãrã́sturu. Waabenaba jaraaruubʉrã: “Ichiásturu, ichi nama ded̶e ed̶a b̶uu”, mau sid̶a ijãarã́sturu.


Ãreaba jarad̶ai: “Mʉ Dachi Akõreba Dachi Karibabarii deai jarad̶a”. Maka ẽbẽrarã ãrea setaa kũruad̶ai.


Maabae chi mechiurãmaa jarasii: —Israeld̶ebena ẽbẽrarã, machiba mau ẽbẽrarã saka waud̶ai ʉ̃rʉbena ãrea kʉ̃risiásturu.


Swiv nou:

Piblisite


Piblisite