Hechos 5:32 - Emberá Chamí

³² Mau waud̶a ʉ̃rʉbena daiba jarabadau. Maud̶e Dachi Akõre Jauriba mau joma kuitaa b̶uu. Dachi Akõreba ichi Jauri deabarii chi ichid̶e ijãabadaurãmaa.

Hechos 5:32 Referans Kwoze

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

Hechos 13:31

Mau maad̶akare Jesusba ichi baara Galilead̶ebena Jerusalend̶aa wãped̶aad̶arãmaa ichi b̶es ãrea unubiasii. Mau ẽbẽrarãba ichi ʉ̃rʉbena joma israeld̶ebenarãmaa berrea panuu.

Hechos 5:29

Maud̶e Pedroba maud̶e chi waabenarã Jesusba bʉid̶arãba panausid̶au: —Ẽbẽrarãba jara panuu audeara Dachi Akõreba jara b̶uu ijãad̶ai panuu.

Hechos 15:28

Dachi Akõre Jaurimaarã maud̶e daimaarã bibuara b̶uu ne chi chaarea waubiad̶aabai. Náturu daiba kʉ̃ria panuu machiba waud̶amera:

Hechos 2:4

Maud̶e Dachi Akõre Jaurid̶eeba paneed̶aped̶a bed̶ea didiwaraa berrea bara b̶eesid̶au, Dachi Akõre Jauriba berreabiad̶a kĩra.

Juan 7:39

Jesusba mauba kuitaabiasii chi ichid̶e ijãaduuba Dachi Akõre Jauri adaud̶ai. Mau ewarid̶e Dachi Akõre Jauri wabid̶a neewẽa b̶uasii Jesús wabid̶a bajãad̶aa wãwẽa b̶uasiid̶eeba.

2 Corintios 13:1

Dachi Akõre bed̶ead̶e naka jara b̶uu: «Ab̶auba kachirua waud̶a ichiaduud̶e ẽbẽra ome maebʉrã õbea panad̶ai panuu. Maud̶e ichiba kachirua waud̶a ʉ̃rʉbena arab̶aud̶e jaraaduubʉrã, kuitaad̶ai biawãra kachirua wausii». Nauba b̶es õbea mʉ machimaa wãaruud̶eeba iadaai Dachi Akõre bed̶ead̶e jara b̶uu kĩra.

Hechos 10:44

Pedro wabid̶a berrea b̶uud̶e joma chi ichi ũri panuumaa Dachi Akõre Jauri neesii.

Hechos 2:32

»Davidba jarad̶a kĩra Dachi Akõreba Jesús biu b̶uad̶a chokae jiradubisii. Joma daiba mau unusid̶au.

Romanos 8:16

Dachi sõd̶e Dachi Akõre Jauriba kuitaabia b̶uu biawãra Dachi Akõre warrarã.