Hechos 5:3 - Emberá Chamí

³ Pedroba jarasii: —Ananías, ¿Sakãe Satanasba waubi b̶uu kĩra wausma? Bichiba Dachi Akõre Jaurimaa setaa jaraaruu. Bichi drua nedobʉid̶ad̶ebena chi nejarr b̶aꞌãra uru b̶eeruu.

Hechos 5:3 Referans Kwoze

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

Hechos 5:9

Maud̶eeba Pedroba jarasii: —Machi ¿sakãe setaa waud̶ai baita bed̶ea deasid̶ama Dachi Mechiu Jauriba saka waui kuitaai baita? ¡Ichiáse! Bichi kima jau b̶ud̶e wã panad̶a jari uruuduu. Jãabae bichi sid̶a jau b̶ud̶e adoed̶ai.

Juan 13:27

Judasba mau kod̶akare Satanás juad̶e b̶eesii. Maud̶e Jesusba Judasmaa jarasii: —Bichiba waui b̶uu isa wause.

Juan 13:2

Ẽsabud̶aa baaruud̶e komaa panasid̶au. Mau naed̶e jʉbawãe niiba Simón warr Judas Iscariote sõd̶e kʉ̃risiabisii Jesús jidaubii baita.

Santiago 4:7

Maud̶eeba Dachi Akõre juad̶e panásturu. Jʉbawãe nii ijãarã́sturu. Maka ichi machid̶ebena ãyaa wãi.

Hechos 5:4

Jãu drua nedobʉi naed̶e ¿bichid̶iwãe baska? Nedobʉid̶akare chi nejarra sid̶a ¿bichid̶iwãe baska? Joma deai kʉ̃riabasiibʉrã ¿sakãe jãka bichi sõd̶e setaa waui kʉ̃risiasma? Bichiba ẽbẽrarãmaa setaa jaraabasii, maumaarã Dachi Akõremáburu setaa jarasii.

Hechos 5:2

Maamina Ananías chi wẽra ome bed̶ea deasid̶au chi nejarra joma deabai baita. Maka Ananiasba chi nejarrd̶ebena b̶aꞌãraburu chi Jesusba bʉid̶arãmaa deasii, maud̶e chi ʉ̃rʉ b̶eed̶a uru b̶eesii.

Lucas 22:3

Maka b̶uud̶e Satanás Judas Iscariote abadau kʉ̃risiad̶e ed̶a wãsii. Mau Jesús baara nibabadaurã 12 basii.

Mateo 13:19

Netaa od̶e pod̶aba nau jara b̶uu: Bajãad̶e B̶uuba ichid̶irã ichi juad̶e ua b̶uu ʉ̃rʉbena ab̶a bid̶a ũriped̶a kuitaawẽebʉrã, jʉbawãe niiba mau bed̶ea ichi sõd̶e need̶a kʉde b̶eebikau ijãarãamera.