20 ichiba chi Dachi Karibabarii deai jarad̶a bʉi naed̶e machimaa jara b̶uad̶a kĩra. Mau Jesusbʉ.
Ichiásturu. Cristo jʉ̃rʉarad̶e neei. Maud̶e jomaurãba unud̶ai. Ichi suped̶aad̶a bid̶a unud̶ai. Ichi unuuduud̶e joma nau iujãad̶ebena jẽad̶ai. Biawãra maka b̶uai.
Maabáeburu chi kachiruad̶ebena ẽbẽra neei. Maamina Dachi Mechiu Jesús kĩrawãrea ted̶echoa neeruud̶e ara berrearuuba mau ẽbẽra beai.
Jesús Jerusalén kaita b̶uud̶eeba, chi aria panuuba kʉ̃risia panasid̶au ara mau ewarid̶e Dachi Akõreba ichid̶irã ichi juad̶e ua b̶eei. Jesusba jara b̶uu ũri panuud̶eeba, ne jaradeai baita naka nebʉrʉsii:
Ara mau kĩra Cristoba b̶es ab̶a ichi ida beabisii ãreaba kachirua wauped̶aad̶a awara b̶ui baita. Ichi waya neei, maamina dachiba kachirua waubadau awara b̶ui baita neebai. Maumaarã neei ichi esed̶au duanuu karibakuai baita.
Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.
Maabae mʉ, chi Ẽbẽra Ba B̶uad̶a jʉ̃rʉarad̶e poyaabarii baraa maud̶e kĩrawãrea ted̶echoa neeruu unud̶ai.
»Mau ewarid̶e mʉ, chi Ẽbẽra Ba B̶uad̶a jʉ̃rʉarad̶e poyaabarii baraa neeruu maud̶e kĩrawãrea baraa neeruu unud̶ai.
Jesús Olivo ead̶e akʉ b̶uasiid̶e ichi baara nibabadaurã ichimaa wãd̶aped̶a ãchi du ab̶a naka id̶isid̶au: —Daimaa jarase, Dachi Akõre de mechiu ¿mau sakaed̶e makaima? ¿Kãared̶eeba kuitaad̶aima bichi neeruu? Maud̶e ¿kãared̶eeba kuitaad̶aima nau ewari baribai?
Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.
Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,
Ʉ̃raud̶aa Jesucristo bajãad̶e b̶uu ab̶a Dachi Akõreba joma waya biꞌia chiwid̶i wauruud̶aa, chi Dachi Akõre baita berreabadaurãba nabẽraed̶e berreabachid̶au kĩra.