Hechos 3:14 - Emberá Chamí

¹⁴ Machiba Dachi Akõre baita bari trajabarii Jipa nii ida b̶ud̶aped̶a id̶i panasid̶au Pilatoba mia beabarii Barrabás ida bʉimera.

Hechos 3:14 Referans Kwoze

Marcos 1:24

—¡Jesús Nazaretd̶ebena! ¡Dai ida b̶use! ¿Dai kenad̶e neeska? Mʉʉba kuitaa b̶uu bichi kai: ¡Bichi Dachi Akõreba bʉid̶a!

Hechos 7:52

Ãchiba Dachi Akõre baita berreabadaurã joma wãraasid̶au kachirua waud̶ai baita. Ẽbẽra Jipa nii neei jaraped̶aad̶arã sid̶a beabachid̶au. Ara mau kĩra machiba mau Ẽbẽra Jipa nii jidaud̶aped̶a beasid̶au.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.

Hechos 4:27

Ara mau kĩra nau puurud̶e Herodes, Poncio Pilato, judiowãerã maud̶e Israel puurud̶ebenarãba bed̶ea deasid̶au chi bichi baita bari trajabarii jipa nii Jesús bead̶ai baita. Bichiba ichi Dachi Mechiu b̶ud̶amina,

Santiago 5:6

Machiba chi ẽbẽra jipa nii nebʉra barau ad̶aped̶a beasid̶au. Maud̶e mauba ne waubasii bearãad̶amera.

Hechos 22:14

Maabae Ananiasba jarasii: “Dachi Akõre dachi nabẽraed̶ebena ome b̶uad̶aba bichi adoesii ichiba kʉ̃ria b̶uu kuitaamera, chi Jipa nii unumera maud̶e ichi berrearuu ũrimera.

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Hechos 2:27

Mʉʉba kuitaa b̶uu bichiba mʉ biud̶arã panabadaud̶e nub̶uubai. Mʉ, chi bichi baita bari trajabarii jipa nii ida b̶eraabiibai.

Lucas 23:25

Barrabasba puurud̶ebenarã kĩrubikabid̶amina maud̶e mia bead̶amina Pilatoba mau chi jʉ̃abadau ded̶ebena enatasii ẽbẽrarãba id̶isid̶aud̶eeba. Maabae ãchiba kʉ̃ria panuu kĩra Jesús makabiasii.

Lucas 1:35

Mau angelba panausii: —Dachi Akõre Jauri bichimaa neeped̶a chi poyaabarii bichi baara b̶uai. Maud̶eeba ichiba dea b̶uu warr bichiba adauruu Dachi Akõreba ichi Warr ai.

Marcos 15:11

Maud̶e paare mechiurãba chi aria ãbua imi nub̶uumaa naka jarasid̶au: “Pilatomaa jarásturu Barrabásturu enatamera”.

Marcos 15:7

Maud̶e ẽbẽra Barrabás abadau b̶uasii. Mau Barrabás chi kõpaerorã baara puurud̶e kĩrubikasid̶aud̶e ẽbẽra mia beasid̶au. Maud̶eeba jʉ̃a uru panasid̶au.

Mateo 27:20

Maud̶e paare mechiurãba maud̶e judiorã mechiurãba ẽbẽrarã araa imi nub̶uumaa jarasid̶au Pilatomaa jarad̶amera Barrabás enata bʉiped̶a Jesús beamera.

Juan 16:10

Kuitaabiai mʉ jipa nii mʉ Chachamaa wãaruud̶eeba. Maud̶e machiba mʉ makaa unud̶aabai.

Juan 18:40

Maud̶e ãchiba jĩwa jarasid̶au: —Jãuwãema. ¡Barrabás enatase! Mau Barrabás mia kachirua nii basii.

Hechos 5:28

—Naed̶e daiba ãrea jarasid̶au machiba jãu ẽbẽra trʉ̃d̶eeba waa jaradearãad̶amera. Maamina machiba joma Jerusalend̶ebenarãmaa jaradea panuu. Mau awara jãu ẽbẽra beaped̶aad̶a kakua, dai nebʉra baraasid̶au a jara kʉ̃ria panuu.

Hechos 13:28

Mauba ab̶a bid̶a kãare kachirua waud̶a unud̶aabasmina ãchiba Pilatomaa jarasid̶au beamera.