Hechos 3:1 - Emberá Chamí

¹ Ewari ab̶a ãsa ʉ̃rʉ õbea baaruud̶e, judiorãba Dachi Akõremaa ʉtaa id̶ibadau horad̶e, Pedro maud̶e Juan Dachi Akõre de mechiud̶aa wãsid̶au.

Hechos 3:1 Referans Kwoze

Hechos 10:3

Ewari ab̶a ãsa ʉ̃rʉ hora õbea basiid̶e Dachi Akõreba Cornelio daumaa unubisii ángel ichimaa arakʉd̶e neeruu. Mauba jarasii: —¡Cornelio!

Hechos 4:13

Chi karrarãba Pedro maud̶e Juan wapeawẽa berrea panuu unusid̶aud̶e kuitaa kʉ̃risiad̶aabasii. Ãchiba kuitaa panasid̶au Pedro maud̶e Juan ãrea karta adua nuree. Mau awara kuitaasid̶au ãchi Jesús baara nibabachid̶au.

Lucas 1:10

Ne tuwaa baa deai hora neesiid̶eeba Zacarías ed̶a wãsii. Maud̶e ẽbẽrarã ãrea awara Dachi Akõremaa ʉtaa id̶imaa panasid̶au.

Hechos 5:25

Maka b̶uud̶e mukĩra ab̶a neesii maabae jarakuasii: —¡Chi machiba jʉ̃a b̶uped̶aad̶arã Dachi Akõre de mechiu dud̶a ẽbẽrarãmaa jaradeamaa panuu!

Lucas 24:53

Makaed̶ebena ãchi ewaricha Dachi Akõre de mechiu ãbudare wãbachid̶au Dachi Akõremaa biꞌia berread̶ai baita.

Hechos 8:14

Maud̶e chi Jesusba bʉid̶arã Jerusalend̶e nureeba ũrisid̶au Samariad̶ebenarãba Dachi Akõre bed̶ea ijãasid̶au. Maud̶eeba Pedro maud̶e Juan ãchimaa bʉisid̶au.

Hechos 2:46

Ewaricha Dachi Akõre de mechiud̶aa araa ãbua imibachid̶au maud̶e ãbarã decha kĩrajʉʉd̶eeba ãbua kobachid̶au.

Juan 21:7

Aria b̶uasii Jesús baara nibabarii chi “Jesusba ãrea kʉ̃ria b̶uu” abadau. Mauba Pedromaa jarasii: —¡Jãu Dachi Mechiubʉ! Simón Pedroba mauba “Dachi Mechiubʉ” aaruu ũrisiid̶e, ichi paru ʉ̃rʉbena jʉ̃sii, paru jʉ̃wẽa b̶uasiid̶eeba do b̶atai baita. Paru jʉ̃ped̶a doed̶a jĩidrusii.

Lucas 22:8

Maud̶eeba Jesusba Pedro maud̶e Juan bʉisiid̶e, naka jarasii: —Dachi Pascua ewarid̶e chi kobadau joma waud̶e wã́sturu.

Mateo 26:37

Maabae Zebedeo warrarã omea Pedro baara ãyaa adoesii. Ichi makai ʉ̃rʉbena kʉ̃risia b̶uud̶eeba kĩra nomaa b̶eesii.

Mateo 17:1

6 ewari bad̶akare Jesusba Pedro, Santiago maud̶e chi ãba Juan ãchi du ab̶a ea ʉtʉ nub̶uud̶aa adoesii.

Hechos 10:30

Maud̶e Cornelioba jarasii: —Ewari kimare basii ara nau horaka, ãsa ʉ̃rʉ hora õbead̶e, mʉʉba chiko kod̶akau ewari wau b̶uasii. Dachi Akõremaa ʉtaa id̶imaa b̶uud̶e ẽbẽra mʉ daad̶e akʉ nub̶uu unusii. Mau paru ted̶echoa b̶uasii.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Mateo 27:45

Ʉmada jipad̶ebena ʉmada b̶aare baaruud̶aa joma pãriu nub̶eesii.

Lucas 18:10

«Ẽbẽra ome Dachi Akõre de mechiud̶e ʉtaa id̶id̶e wãsid̶au. Ab̶a fariseo basii. Chi ab̶abena Romad̶ebena baita chi nejarra pebarii basii.

Hechos 3:3

Pedro maud̶e Juan ed̶a wãaduu unusiid̶e chi nejarra id̶isii.

Hechos 3:4

Pedroba maud̶e Juanba maumaa ichiasid̶au. Maud̶e Pedroba jarasii: —Daimaa ichiáse.