Hechos 28:4 - Emberá Chamí

⁴ Mau damaba Pablo juad̶e jirab̶u unusid̶aud̶e chi mau islabid̶arãba ãchi chiya berrea bara b̶eesii: «¡Jãu ẽbẽra mia beabariibʉ! Mard̶e biubasmina, Dachi Akõre kĩra nii wẽraba ichi ida chokae nibabiibai».

Hechos 28:4 Referans Kwoze

Lucas 13:4

Siloed̶e de ʉtʉ deseroa b̶uad̶a ẽbẽrarã ʉ̃rʉ teawãsiid̶e 18 biusid̶au. Maka biuped̶aad̶ad̶eeba ¿machiba kʉ̃risia panuka ãchiba aude kachirua waubachid̶au waabena Jerusalend̶e duanuurãba waubadau audeara?

Lucas 13:2

Maud̶eeba Jesusba jarasii: «Mau ẽbẽrarã biꞌiwãe biuped̶aad̶ad̶eeba ¿machiba kʉ̃risia panuka maarãba aude kachirua waubachid̶aka waabenarã Galilead̶ebenarãba waubadau audeara?

Hechos 28:5

Maud̶e Pabloba chi dama tʉbʉd̶e neapetasii maud̶e ichi kachirua b̶eebasii.

Hechos 28:2

Chi ariabenarãba dai ãrea biꞌia irsibisid̶au. Kui che nub̶uud̶eeba maud̶e kũrasãa nub̶uud̶eeba ãchiba tʉbʉ aoko nub̶ud̶aped̶a daimaa jarasid̶au tʉbʉ kãd̶e need̶amera.

Juan 7:24

Machiba unu panuu kakua kachirua berrearã́sturu, maumaarã arakʉd̶e berreásturu chi biawãra kuitaad̶aped̶a.

Mateo 23:35

Maud̶eeba joma nabẽraed̶ebenarã ẽbẽrarã jipa nuree beaped̶aad̶a kakua Dachi Akõreba machi kastikai: Abel jipa nii beaped̶aad̶a kakua, Berequías warr Zacarías beaped̶aad̶a kakua maud̶e joma waabenarã beaped̶aad̶a kakua bid̶a. Zacarías Dachi Akõre de mechiu dud̶a chi ne baa deabadau kĩraare beasid̶au.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».

Mateo 27:25

Maabae jomaurãba panausid̶au: —¡Maka b̶uubʉrã dai, dai warrarã sid̶a nebʉra waud̶ai ichi beaduu kakua!

Hechos 28:3

Pabloba bakuru põasãa araa peped̶a chi tʉbʉ aoko nub̶uud̶e jirakuasii. Maabae wãsiaba dama arabena wãaruuba Pablo juad̶e kaa jira b̶eesii.