Hechos 26:9 - Emberá Chamí

⁹ »Mʉʉba naed̶e kʉ̃risia b̶uasii ne joma waui b̶uu ẽbẽrarãba Jesús Nazaretd̶ebena ijãarãad̶amera.

Hechos 26:9 Referans Kwoze

1 Timoteo 1:13

Naed̶e mʉʉba ichi ʉ̃rʉbena kachirua berreabachii maud̶e ichid̶irã kachirua waui baita wãraabachii. Waabenarãmaa kachirua berreabachii. Ichid̶e wabid̶a ijãawẽa b̶uasiid̶eeba maud̶e adua b̶uasiid̶eeba maka kachirua waubachii. Maamina ichiba mʉ kĩra chuburiasii.

Hechos 22:8

Mʉʉba id̶isii: “Mʉ Mechiu, ¿bichi kaima?” Ichiba panausii: “Mʉ Jesús Nazaretd̶ebenabʉ, chi bichiba wãraa b̶uu”.

Filipenses 3:6

Mau judiorã ley ãrea waubachiid̶eeba Cristod̶e ijãa nuree wãraabachii kachirua waui baita. Mau judiorã ley ãrea waubachiid̶eeba ab̶au bid̶a mʉ ʉ̃rʉbena kachirua jarad̶ayuswãe nii.

Romanos 10:2

Mʉʉba jaraaruu ãchiba Dachi Akõre biawãra kuitaa kʉ̃ria panuu. Maamina Dachi Akõreba kʉ̃ria b̶uu ʉ̃rʉbena biꞌiwãe kʉ̃risia panuu.

Hechos 24:5

Daiba kuitaa panuu nau ẽbẽraba nebʉra wau b̶uabarii. Ichiba joma nau druad̶e judiorã kĩrubika b̶uabiabarii. Ichi nazarenod̶ebenarã chi jaradea ua b̶uabariibʉ.

Hechos 21:13

Maamina Pabloba jarasii: —¿Sakãe jẽa panuma? ¿Sakãe mʉ jãka kĩra nomaabi panuma? Ab̶aburu mʉ jʉ̃d̶ai baita b̶uwãema, maumaarã mʉ Mechiu Jesús kakua Jerusalend̶e biui baita b̶uu.

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

Hechos 3:6

Pedroba jarasii: —Mʉ chi nejarra maud̶e nee wãꞌãe, maamina chi mʉʉba uru b̶uu bichimaa dearuu: ¡Jesucristo Nazaretd̶ebena trʉ̃d̶eeba jiraduped̶a nibad̶ease!

Juan 15:21

Machi mʉ kakua maka waud̶ai ãchiba chi mʉ Bʉid̶a adua panuud̶eeba.

Hechos 3:17

»Mʉ ãbarã judiorã, mʉʉba kuitaa b̶uu machiba maud̶e machi karrarãba Jesús beabisid̶au ichi Dachi Akõreba deai jarad̶a dachi karibabarii adua panasiid̶eeba.

Hechos 9:1

Mau ewarid̶e Sauloba wabid̶a Dachi Mechiud̶e ijãa nuree kenai baita b̶uabachii. Paare mechiu b̶uumaa wãped̶a id̶isii karta b̶ʉkua deamera. Mau karta Damasco puurud̶e judiorã araa ãbua imibadau decha adooi kʉ̃risia b̶uasii. Kartad̶e b̶ʉ b̶uasii chi ãchi tãed̶e Jesús Od̶e nibad̶a mukĩrarã maud̶e wẽrarã sid̶a jidauped̶a Jerusalend̶aa joma adooi b̶uu, jʉ̃a bʉikad̶ai baita.

Hechos 22:3

«Mʉ judiobʉ. Cilicia druad̶e Tarso puurud̶e mʉ danaba mʉ adausii. Maamina mʉ nama Jerusalend̶e warisii. Jaradeabarii Gamalielba mʉʉmaa joma dachi nabẽraed̶ebenarã Moisesba b̶ʉd̶a ãrea jaradeasii. Mʉʉba Dachi Akõre ãrea ijãa b̶uabachii machiba ijãabadau kĩra.

Hechos 22:4

Mauba, mʉʉba chi O Wid̶i ijãa panuurã wãraa b̶uabachii. Mukĩrarã maud̶e wẽrarã jʉ̃a bʉikabiabachii. Maud̶e chi nuree beabiasii.