Hechos 23:9 - Emberá Chamí

⁹ Biawãra maud̶eeba mia ũrimaa bara b̶eesii. Chi nuree fariseo baara duanuu Moisesba b̶ʉd̶ad̶e jaradea panabadaurã b̶ari topaneed̶aped̶a jarasid̶au: —Jãu mukĩraba ne kachirua wauwẽa b̶uu, asid̶au. ¿Jauri ab̶aba jãka ichimaa berreabisii, maebʉrã ángel ab̶aba? Maka b̶uubʉrã ¿saka Dachi Akõre ome chĩod̶aima?

Hechos 23:9 Referans Kwoze

Hechos 22:7

Mʉ jeed̶a b̶aesiid̶e mimi ũrisii. Mauba mʉʉmaa jarasii: “Saulo, Saulo, ¿sakãe mʉ wãraa b̶uma?”

Juan 12:29

Mau bed̶ea ũrisid̶aud̶e chi nureerãba jarasid̶au bã tosii. Maud̶e chi nureerãba jarasid̶au: —Angelba Jesusmaa berreasii.

Hechos 26:31

Awara wãd̶aped̶a ãchicha jara duanasid̶au: —Nau ẽbẽraba kachirua wauwẽa b̶uud̶eeba, biubai b̶uu maebʉrã jʉ̃a b̶uabai b̶uu.

Hechos 25:25

Maamina mʉʉmaarã ne ab̶a bid̶a kachirua wauwẽa b̶uu jãu bead̶ai baita. Maud̶e ichiba id̶isii Romad̶ebena chi aude mechiuba ichi nebʉra ichiamera. Maud̶eeba mʉʉba jãu Romad̶aa bʉii baita b̶uu.

Hechos 23:29

Maud̶e mʉʉba kuitaasii ab̶aburu ãchi Moisesba b̶ʉd̶a kakua ichi jidea panuu. Maamina jãuba kachirua wauwẽa b̶uasiid̶eeba, mʉʉba kuitaasii mʉʉba jãu beabiibai b̶uu maebʉrã jʉ̃abiibai b̶uu.

Marcos 2:16

Maka panuud̶e Moisesba b̶ʉd̶a jaradeabadaurã (maarã sid̶a fariseorã basma), maarãba Jesús jãarã ẽbẽrarã baara komaa b̶uu unusid̶au. Maud̶eeba fariseorãba Jesús baara nibabadaurãmaa id̶isid̶au: —Machi jaradeabarii ¿sakãe Romad̶ebena baita chi nejarra pebadaurã maud̶e kachirua waubadaurã baara komaa b̶uma?

1 Corintios 10:22

Maka wauduubʉrã ¿Dachi Mechiu kĩrubid̶aabaika? ¿Dachi ichi audeara meserãa nuree kĩra?

Hechos 27:23

Mʉ Dachi Akõred̶ebʉ. Ichid̶e ijãa nii. Ẽsabud̶e ara mau Dachi Akõred̶e ángel mʉʉmaa unubisii.

Hechos 23:8

(Saduceorãba jarabadau biud̶arã chokae jiradud̶akau, angelerã wãꞌãe, jauri sid̶a wãꞌãe. Maamina fariseorãba joma mau ijãa panuu).

Hechos 11:17

Dachi Mechiu Jesucristod̶e ijãa panuud̶eeba Dachi Akõreba dachimaa ichi Jauri deasii. Ichi Jauri ãchimaa deasiid̶eeba ¿mʉʉba saka ichiba waud̶a ʉ̃rʉbena kachirua jaraima?

Hechos 9:4

Mauba Saulo jeed̶a b̶aebisii. Maud̶e bed̶ea ũrisii. Mau bed̶eaba jarasii: —Saulo, Saulo, ¿sakãe mʉ kachirua waui baita wãraa b̶uma?

Hechos 5:39

Maamina Dachi Akõreba mau waubi b̶uubʉrã, machiba poyaad̶aabai. Kaubaa, Dachi Akõre ome chĩomaa paneed̶ai. Gamalielba jarad̶a jomaurãba ijãasid̶au.

Lucas 23:22

Maud̶e Pilatoba waya ãchimaa jarasii: —¿Maamina nau ẽbẽraba kãare kachirua wausma? Nauba kachirua wauwẽa b̶uu bead̶ai baita. Maud̶eeba pebiped̶a maabae enatai.

Lucas 23:4

Maabae Pilatoba paare mechiurãmaa maud̶e ẽbẽrarã aria duanuumaa jarasii: —Mʉʉba unuwẽe nau ẽbẽra nebʉra bara b̶uu.

Lucas 5:30

Mau unusid̶aud̶e Moisesba b̶ʉd̶a jaradeabadaurãba maud̶e fariseorã Jesús baara nibabadaurãmaa naka kachirua jarasid̶au: —¿Sakãe chi nejarra pebadaurã baara maud̶e waabenarã kachirua waubadaurã baara ãbua komaa panuma?

Hechos 22:6

»Maamina Damasco puurud̶e neeruud̶e ʉmada jipa baaruud̶e bajãad̶ebena mʉ ad̶u ãrea ʉ̃d̶aa puri chebiwãsii.