Hechos 23:30 - Emberá Chamí

³⁰ Mau maad̶akare mʉʉba kuitaasii judiorã bed̶ea deasid̶au ichi bead̶ai baita. Ara makʉd̶e ichi bichimaa bʉisii. Maud̶e mʉʉba ãchimaa jarasii jãu jidea kʉ̃ria panuubʉrã bichi daad̶e jarad̶e wãd̶ai panuu. Biꞌia b̶uase.

Hechos 23:30 Referans Kwoze

Hechos 25:16

Mʉʉba ãchimaa jarasii ab̶a bid̶a chi ichi jidea nuree daad̶e ara ichi kakua poyaa berreawẽebʉrã, romad̶ebenarãba ichi waabena juad̶e dead̶akau.

Hechos 24:19

Chi mʉ unuped̶aad̶aba mʉ jidead̶ai kʉ̃ria panuubʉrã, maarã bichi daad̶e need̶ai panuu.

Hechos 23:20

Maud̶e kũudrãaba jarasii: —Judiorãba bed̶ea deasid̶au naka waud̶ai baita: ãchiba bichimaa chi chuburia id̶id̶ai Pablo nu chi judiorã mechiurã ãbua panuumaa adoebimera. Jarad̶ai ichi ʉ̃rʉbena kauwa id̶i kʉ̃ria panuu.

2 Corintios 13:11

Ãbarã, kaad̶eare mʉʉba naka b̶ʉʉruu: kĩrajʉʉ panásturu, waya jipa wau panásturu, mʉʉba jara b̶uu wau panásturu, arab̶au kʉ̃risia uru panásturu maud̶e jirukaraayuwãe panásturu. Makarã chi Dachi Akõreba dachimaa kʉ̃riabiabarii maud̶e jirukaraayuwãe b̶uabiabarii machi ome b̶uai.

Hechos 23:12

Norema chi nuree judiorãba bed̶ea deasid̶au Pablo bead̶ai baita. Mau ẽbẽrarãba biawãrad̶eeba berreasid̶au kod̶aabai maud̶e bania dod̶aabai Pablo beaduud̶aa.

Hechos 15:29

Dachi Akõre kuenda juaba ne kaped̶aad̶amaa kiuru baa deaped̶aad̶a kod̶aabai panuu, dachi kakuaba barikia kachirua wau kʉ̃ria b̶uu nibad̶aabai panuu, ãnimara otãabara bead̶a kod̶aabai panuu maud̶e oa sid̶a kod̶aabai panuu. Joma mau wauduubʉrã biꞌia panad̶ai. Biꞌia panásturu.

Hechos 9:24

Maud̶eeba ãyadaa maud̶e ẽsabud̶e chi puurud̶e ed̶a wãbadau jʉ̃a panasid̶au. Maamina ãchiba kʉ̃risia panuu Sauloba kuitaasii.

Hechos 23:31

Ara makʉd̶e kokoroarãba ãchi jaradea ua b̶uabariiba jarad̶a wausid̶au. Ẽsabud̶e Pablo Antipatris puurud̶aa adoesid̶au.