Hechos 23:28 - Emberá Chamí

²⁸ Mʉʉba kuitaa kʉ̃ria b̶uasii kãare kakua ichi jidea panuu. Maud̶eeba ichi adoesii judiorã chi mechiurã ãbua duanuumaa.

Hechos 23:28 Referans Kwoze

Hechos 22:30

Norema kokoroa chi aude mechiuba wabid̶a kuitaa kʉ̃ria b̶uasii sakãe judiorãba Pablo jidea panasid̶au. Maud̶eeba ichi kaenaba jʉ̃ b̶uad̶a ena b̶usii. Maabae ichiba joma paare mechiurã maud̶e judiorã mechiurã araa ãbua imibiasii. Maud̶e Pablo adoeped̶a ãchi daad̶e b̶usii.

Mateo 5:22

Maamina mʉʉba jaraaruu: barikiu waabena ome kĩruuruubʉrã Dachi Akõreba kastikai. Barikiuba waabenamaa sũreena aaruubʉrã machi jaradea ua b̶uabadaurãba kastikad̶ai. Maud̶e barikiuba waabenamaa kachirua jaraaruubʉrã, Dachi Akõreba tʉbʉchia aoko kub̶uu kiikaud̶aa wãbii.

Hechos 23:1

Pabloba judiorã karrarãmaa ichiaped̶a jarasii: —Mʉ ãbarã, mʉ jirukaraayuwãe b̶uu kuitaa b̶uud̶eeba id̶i bid̶a Dachi Akõre daad̶e biꞌia niba.

Hechos 23:10

Aude mia ũrimaa bara b̶eesiid̶e, kokoroarã mechiuba, Pablo poyaa pichipichia waud̶ai wapea kʉ̃risia b̶uud̶e, ichi kokoroarã iukuasii mia ũrimaa duanuumaabena awara adoed̶amera maud̶e ãchi deemaa adoed̶amera.