Hechos 23:12 - Emberá Chamí

¹² Norema chi nuree judiorãba bed̶ea deasid̶au Pablo bead̶ai baita. Mau ẽbẽrarãba biawãrad̶eeba berreasid̶au kod̶aabai maud̶e bania dod̶aabai Pablo beaduud̶aa.

Hechos 23:12 Referans Kwoze

Hechos 23:30

Mau maad̶akare mʉʉba kuitaasii judiorã bed̶ea deasid̶au ichi bead̶ai baita. Ara makʉd̶e ichi bichimaa bʉisii. Maud̶e mʉʉba ãchimaa jarasii jãu jidea kʉ̃ria panuubʉrã bichi daad̶e jarad̶e wãd̶ai panuu. Biꞌia b̶uase.

Hechos 23:21

Maamina ijãarã́se. Pablo bead̶ai baita 40 mukĩrarã o kẽsa otea panuu. Maud̶e maarãba biawãra jarasid̶au Dachi Akõre daad̶e kod̶aabai maud̶e bania dod̶aabai Pablo beaduud̶aa. Jãabae bead̶ayúaburu panuu, maud̶e esed̶au panuu bichiba jarai Pablo ãchimaa adoebimera.

Hechos 23:14

Ãchi paare mechiurãmaa maud̶e judiorã chõrarãmaa wãd̶aped̶a, maabae jarasid̶au: —Daiba Dachi Akõre daad̶e biawãra jarasid̶au kod̶aabai maud̶e bania dod̶aabai Pablo beaduud̶aa.

Hechos 25:3

Chi chuburia id̶isid̶au Pablo Jerusalend̶aa adoebimera. Maka jarasid̶au Pablo od̶e bead̶ai kʉ̃risia panuud̶eeba.

Mateo 26:4

Maabae bed̶ea deasid̶au Jesús chũpea jidaud̶aped̶a beabid̶ai baita.

Gálatas 3:13

Moisesba b̶ʉd̶a kĩra wau panuwãed̶eeba, nebʉra barau ai. Maud̶ebena Jesucristoba dachi karibasii. Ichi Dachi Akõreba dachi kakua nebʉra baraabisii. Moisesba b̶ʉd̶ad̶e naka b̶ʉ kub̶uu: «Ab̶a bakurud̶e jira b̶eed̶a Dachi Akõreba mau nebʉra barau ai».

1 Corintios 16:22

Barikiuba Dachi Mechiu Jesucristo kʉ̃riawẽebʉrã, Dachi Akõreba mau ẽbẽra nebʉra barau ai. ¡Uche, Dachi Mechiu!

Mateo 27:25

Maabae jomaurãba panausid̶au: —¡Maka b̶uubʉrã dai, dai warrarã sid̶a nebʉra waud̶ai ichi beaduu kakua!

Mateo 26:74

Pedroba jarasii: —¡Mʉʉba setaa jaraaruubʉrã Dachi Akõreba mʉ kastikai! Biawãra jaraaruu: mʉʉba jãu ẽbẽra unukau. Ara makʉd̶e eterr birusii.

Hechos 9:23

Ewari aribia baaruud̶e judiorã Damasco puurud̶ebenarãba Saulo bead̶ai baita bed̶ea deasid̶au.

Hechos 9:24

Maud̶eeba ãyadaa maud̶e ẽsabud̶e chi puurud̶e ed̶a wãbadau jʉ̃a panasid̶au. Maamina ãchiba kʉ̃risia panuu Sauloba kuitaasii.

Hechos 23:13

Chi bed̶ea deaped̶aad̶a 40 wãyaa panasid̶au.

2 Corintios 11:26

Mʉ od̶e wãaruud̶e, do che nub̶uud̶e nibabachii, maud̶e nechiruabadau baraumare nibabachii. Ara mʉ ẽbẽrarã judiorã tãed̶e maud̶e judiowãerã tãed̶e mʉ kachiruad̶e b̶uasii. Puurud̶e maud̶e puuru awara mʉ kachiruad̶e b̶uasii. Mard̶e bid̶a kachiruad̶e b̶uasii. Biawãra ãbarãwãe kakua mʉ kachiruad̶e b̶uasii.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.