Hechos 22:17 - Emberá Chamí

^17-18 »Mau maad̶akare mʉ waya Jerusalend̶aa neesii. Ewari ab̶a Dachi Akõre de mechiud̶aa wãped̶a ichimaa ʉtaa id̶i b̶uasii. Maud̶e Dachi Akõreba mʉ daumaa Dachi Mechiu unubisii. Ichiba mʉʉmaa jarasii: “Jerusalend̶ebena isa ãyaa wãse. Chi bichiba mʉ ʉ̃rʉbena jara b̶uu namabenarãba ijãad̶aabai”.

Hechos 22:17 Referans Kwoze

Hechos 26:20

Mʉʉba naed̶e Damasco puurud̶ebenarãmaa jarasii ãchiba kachirua waubadau ida b̶ud̶aped̶a Dachi Akõremaa need̶amera. Mau maad̶akare Jerusalén puurud̶e, joma Judea druad̶e maud̶e judiowãerãmaa ara mau jarasii. Jomaurãmaa jarasii biꞌia wau panuu ãchiba kachirua wauped̶aad̶a biawãra ida b̶uped̶aad̶a unubiad̶ai baita.

Apocalipsis 1:10

Dachi Mechiu ewarid̶e mʉ Dachi Akõre Jaurid̶eeba b̶uasii. Maud̶e mʉ kaad̶eeba ab̶a mimi jĩwa berrea b̶uu ũrisii. Ichi bed̶ea kachu jĩwabarii kĩra ũrisii.

Gálatas 1:18

Año õbea bad̶akare mʉ Jerusalend̶aa wãsii Pedro unui baita. Aria 15 ewari mau ome b̶uasii.

Romanos 15:19

maud̶e ẽbẽrarãba ne poyaa waud̶akau wau b̶uud̶eeba maka aid̶asii. Mʉʉba Dachi Akõre Jauri poyaad̶eeba joma mau wausii. Jerusalend̶ebena Ilírico druad̶aa bed̶ea bia Cristo ʉ̃rʉbena mʉʉba joma jaradeai b̶uad̶amaa jaradeasii.

Efesios 3:3

Ichiba naed̶e kuitaabiwẽa b̶uad̶a mʉʉmaa kuitaabisii. Mau ʉ̃rʉbena mʉʉba nau kartad̶e b̶aꞌãra b̶ʉsii.