Hechos 21:18 - Emberá Chamí

¹⁸ Norema Pablo dai ome Santiago ichiad̶e wãsid̶au. Ãbarã nubadaurã sid̶a joma aria duanasid̶au.

Hechos 21:18 Referans Kwoze

Gálatas 1:19

Pedro awara, Jesucristoba bʉid̶arãd̶ebena, Dachi Mechiu ãba Santiagóturu unusii. Waabenarã mʉʉba unuubasii.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Hechos 15:13

Mau joma berreaped̶aad̶akare Santiagoba jarasii: —Ãbarã, mʉ bed̶ea ũrísturu.

Hechos 11:30

Mau chi nejarr peped̶aad̶akare, Bernabé maud̶e Saulomaa urubʉisid̶au chi Judead̶ebena ijãabadaurã nubadaurã baita.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

Hechos 20:17

Mileto puurud̶e b̶uud̶e Pabloba Efesod̶ebena ijãabadaurã nubadaurã iubiasii.

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Hechos 15:6

Maka chi Jesusba bʉid̶arã chi ijãabadaurã nubadaurã baara araa ãbua imisid̶au mau ʉ̃rʉbena berread̶ai baita.

Hechos 15:2

Maud̶eeba Pablo maud̶e Bernabeba ãchi ome ãrea kĩru berreasid̶au. Ãbarãba Pablo, Bernabé maud̶e chi nuree ijãabadaurã Jerusalend̶aa bʉisid̶au mau ʉ̃rʉbena ãbua berread̶amera chi Jesusba bʉid̶arã ome maud̶e ijãabadaurã nubadaurã ome.

Hechos 12:17

Maamina Pedroba ichi juaba jarasii chũpead̶amera. Maabae joma nebʉrʉsii sakaburu Dachi Mechiuba ichi jʉ̃a b̶uad̶a aid̶asii. Joma nebʉrʉped̶a jarasii: —Joma mau Santiagomaa maud̶e waabena ãbarãmaa jarásturu. Maad̶akare Pedro ãyaa wãsii.

Mateo 10:2

Jesusba bʉid̶arã 12, naarã basii: Simón, Pedro abadau; chi ãba Andrés; Zebedeo warrarã Santiago maud̶e Juan;

Hechos 24:11

12 ewari basii mʉ Jerusalend̶aa wã b̶uad̶a Dachi Akõremaa biꞌia berreai baita. Bichiba barikiamaa id̶iiruu kuitaai mau biawãra b̶uu.