Hechos 21:13 - Emberá Chamí

¹³ Maamina Pabloba jarasii: —¿Sakãe jẽa panuma? ¿Sakãe mʉ jãka kĩra nomaabi panuma? Ab̶aburu mʉ jʉ̃d̶ai baita b̶uwãema, maumaarã mʉ Mechiu Jesús kakua Jerusalend̶e biui baita b̶uu.

Hechos 21:13 Referans Kwoze

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Filipenses 2:17

Kãꞌãabariwãed̶e mʉ Cristo kakua bead̶ai panuu. Maka uva b̶aa Dachi Akõremaa ea deabachid̶au kĩra b̶uai. Ara mau kĩra machiba Cristod̶e ijãa panuu, ãnimara Dachi Akõremaa baa deai kĩra b̶uu. Maud̶eeba mʉ machi ome ãrea kĩrajʉʉ b̶uu.

2 Timoteo 4:6

Kãꞌãabariwãed̶e mʉ bead̶ai. Mʉ biui ewari ʉ̃rʉ ba b̶uu.

Apocalipsis 12:11

Dachi ãbarãba Oeja Kaebe Nii oa ched̶aba maud̶e ichi bed̶ea jara panuud̶eeba poyaasid̶au. Dachi biud̶ai panuu ʉ̃rʉbena wapead̶aabasii, bari Cristo kakua biud̶ayua panasii.

Colosenses 1:24

Jãabae mʉʉba machi aid̶ai baita ãrea biꞌiwãe b̶umina kĩrajʉʉ b̶uu. Maud̶e Cristo baita wabid̶a biꞌiwãe b̶uai b̶uud̶eeba, ãrea biꞌiwãe nibai joma ichi ẽbẽrarã aid̶ai baita.

2 Pedro 1:14

Dachi Mechiu Jesucristoba mʉʉmaa biꞌia kuitaabisii kãꞌãabariwãed̶e mʉ biui.

Hechos 20:37

Maabae biꞌia wãbid̶ai baita joma ãrea jẽa panuuba Pablo bʉrʉd̶aped̶a ĩyaasid̶au.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.

2 Timoteo 1:4

Mʉʉba bichi jẽad̶a ʉ̃rʉbena kʉ̃risiaruud̶e ichiad̶e wã kʉ̃ria b̶uabarii kĩrajʉʉ ãrea b̶uai baita.

1 Corintios 15:31

Ãbarã, machiba Dachi Mechiu Jesucristod̶e ijãa panuu baita mʉ biawãra kĩrajʉʉ b̶uu. Biawãra jaraaruu: ewaricha kʉ̃risia b̶uu ẽbẽrarãba mʉ chi Jesús bed̶ea kakua bead̶ai.

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

Filipenses 2:26

Ichiba machi biawãra unu kʉ̃ria b̶uu. Ãrea jirukaraa b̶uu, machiba ichi ẽpermo b̶uu ũrisid̶aud̶eeba.