Hechos 21:1 - Emberá Chamí

¹ Mau ãbarã b̶ʉid̶aped̶a dai jãbad̶e Cos islad̶aa jipa wãsid̶au. Norema Rodas islad̶aa wãd̶aped̶a Patará puurud̶e neesid̶au.

Hechos 21:1 Referans Kwoze

1 Tesalonicenses 2:17

Ãbarã, ãrea bawẽa b̶uu, dai machi baara panad̶a ãyaa wãped̶aad̶a. Naud̶e daiba machi unud̶awẽa panumina dai kʉ̃risiad̶e machi baara panuu. Daiba biawãra machi ichiad̶e wã kʉ̃ria panasid̶au maamina Satanasba ida b̶uubasii wãrãad̶amera. Mʉ biawãra b̶es ãrea machimaa wãi baita b̶uasii.

Lucas 5:4

Jaradeasiid̶e Jesusba Simonmaa jarasii: —Jãabae bichi jãba mar kẽsa adoeped̶a chi mard̶e ãtarraya jiratásturu.

Hechos 27:2

Maabae dai jãba Adramitio puurud̶ebenad̶e ataud̶aped̶a wãsid̶au. Mau jãba Asia druad̶e puurucha wãaruu basii. Ãba Aristarco Macedonia druad̶ebena dai baara wãsii. Mau Tesalónica puurud̶ebena basii.

Lucas 8:22

Earab̶a Jesusba ichi baara nibabadaurãmaa naka jarasii: —Mar kĩaraa wãd̶a. Ara makʉd̶e jãbad̶e ataud̶aped̶a wãsid̶au.

Hechos 27:4

Maabae Sidond̶ebena wãsid̶aud̶e Chipre isla kaita wãsid̶au, chi pũatu kĩramaa pũatu b̶uasiid̶eeba.