Hechos 20:32 - Emberá Chamí

³² »Jãabae ãbarã, mʉʉba machi Dachi Akõre juad̶e b̶uuruu. Ichi sõbiad̶eeba dachi kariba b̶uu ʉ̃rʉbena bed̶ea kĩrabásturu. Mau bed̶ead̶eeba machi poyaa aude biꞌia ijãad̶ai. Ichiba deai jarad̶a ichi sõbiad̶eeba machiba adaud̶ai maud̶e joma chi ichi baita biꞌia b̶ud̶arãba mau adaud̶ai.

Hechos 20:32 Referans Kwoze

Colosenses 1:12

Maka kĩrajʉʉ Dachi Bajãad̶ebena Akõremaa biꞌia nii ad̶ai. Machi joma ichi ẽbẽrarã ome ʉ̃d̶aad̶e biꞌia b̶usii ichiba uru b̶uud̶ebena adaud̶amera.

Colosenses 3:24

Machi Dachi Mechiu Cristo baita bari trajabadaurãbʉ. Machiba kuitaa panuu ichi baita biꞌia wau panuud̶eeba, ichiba machimaa chi adaud̶ai panuu deai.

Efesios 1:14

Dachi Akõre Jauri adauped̶aad̶ad̶eeba dachiba kuitaa panuu joma Dachi Akõreba deai jarad̶a biawãra adaud̶ai ichid̶irã joma biꞌia b̶ui ewarid̶e. Maud̶eeba ichi biꞌia nii ʉ̃rʉbena biꞌia berread̶ai panuu.

Hebreos 9:15

Makarã Cristod̶eeba Dachi Akõreba bed̶ea chiwid̶i deasii. Ẽbẽrarã chi Ichiba nabena bed̶ea dead̶ad̶e panabachid̶aud̶e kachirua waubachid̶au. Maamina Cristo biusii maud̶ebena karibai baita. Maud̶e Cristo biusiid̶eeba ichid̶eeba chi ichiba iukuad̶arãba chi bia wãꞌãekau deai jarad̶a poyaa adaud̶ai.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Colosenses 2:7

Ichid̶eeba chaarea panásturu ãrea karr jidau panuu kĩra maud̶e de bia waud̶a kĩra. Ichid̶e ãrea ijãa panásturu ãbarãba jaradeaped̶aad̶a kĩra. Ewaricha Dachi Akõremaa ichíturu kid̶ibai ásturu.

Hebreos 13:9

Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

Efesios 5:5

Machiba kuitaa panuu junebena wẽra ome kãibadau, ne kĩra nejasia kachirua wau nibabadau, maud̶e ne joma uru panad̶ai kʉ̃riabadau chi Cristo maud̶e Dachi Akõreba dead̶ai a panuu adaud̶aabai. Ne joma uru b̶uu kʉ̃ria b̶uai Dachi Akõre kuenda juaba ne kaped̶aad̶ad̶e ijãa b̶uu kĩra b̶uu, Dachi Akõre audeara, chi ichiba uru b̶uai kʉ̃ria b̶uu aude ijãa b̶uud̶eeba.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

Judas 1:20

Maamina ãbarã, machicha aid̶ásturu Cristod̶e ãrea ijãad̶amera. Dachi Akõremaa ichi Jaurid̶eeba ʉtaa id̶ísturu.

1 Corintios 6:11

Naed̶e machid̶ebena chi nuree maka nureasii. Maamina machiba kachirua wauped̶aad̶a Dachi Akõreba jeraasii, ichi baita biꞌia b̶usii, maud̶e nebʉraswãe nii asii Dachi Mechiu Jesucristod̶eeba maud̶e ichi Jaurid̶eeba.

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

Hebreos 10:14

Cristoba b̶es ab̶a ara ichi ida beabisiid̶eeba chi Dachi Akõre baita awara b̶ud̶arã jipa duanusii, maka ewaricha nuread̶amera.

Hebreos 2:11

Jesusba ẽbẽrarã biꞌia b̶ubarii Dachi Akõre baita. Ichiba, mau ẽbẽrarã bid̶a arab̶au Akõre uru panuu. Maud̶eeba Jesús kĩra nejasiakau ãchi ichi ãbarã ai baita.

Hechos 14:26

Maad̶akare jãbad̶e Siria druad̶ebena Antioquiad̶aa waya wãsid̶au. Mau puurud̶ebena ãbarãba ãchi naed̶e bʉi panasid̶au Dachi Akõreba kʉ̃ria b̶uu waud̶amera maud̶e Dachi Akõre juad̶e b̶usid̶au ichi sõbiad̶eeba aid̶amera.

Juan 17:17

Bichi bed̶eaba bichi biawãra saka nii kuitaabia b̶uu. Maud̶eeba maarã bichi baita duanuse.

Efesios 4:16

Ichid̶eeba joma dachi ichi kakuabʉ. Chi dachi kakuad̶e jid̶iu kara b̶eeba chiya aid̶ad̶ai. Dachicha waud̶ai panuu kĩra wauduud̶e jomaurã kʉ̃riad̶eeba biꞌia wari kãri bad̶ai.

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

Hechos 14:3

Maamina Pablo maud̶e Bernabé aria aribia panasid̶au. Dachi Mechiuba kariba b̶uu sõd̶eeba ijãa panuud̶eeba ichi ʉ̃rʉbena wapeawẽa jaradeabachid̶au. Maud̶e Dachi Mechiuba ãchi aid̶asii ẽbẽrarãba ne poyaa waud̶akau waud̶amera. Maka kuitaabiasii ichi sõbiad̶eeba ãchiba jaradea panuu biawãra.

Juan 15:3

Mʉ bed̶ea ijãabadaud̶eeba machi chi bakuru jua kauwa tarikuad̶a kĩra nuree.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

Hechos 15:40

Maud̶e Pabloba Silas jʉrʉ adausii ichi baara wãmera. Ãbarãba ãchi Dachi Mechiu juad̶e b̶usid̶au ichi sõbiad̶eeba aid̶amera.

Hechos 9:31

Maumisa Judea druad̶e, Galilea druad̶e maud̶e Samaria druad̶e ãbarã jirukaraayuwãe duanasid̶au maud̶e ne baraakuasid̶au. Dachi Mechiu wapea panuud̶eeba nibasid̶au maud̶e Dachi Akõre Jauri poyaad̶eeba ãbarã aude baraasii.

Marcos 10:17

Maad̶akare Jesús wãaruud̶e ẽbẽra ichimaa pira neesii. Mau ẽbẽra Jesús daad̶e õdarrd̶e kob̶eeped̶a id̶isii: —Jaradeabarii bia nii, Dachi Akõre ome ewaricha chokae b̶uai baita ¿mʉʉba kãare waui b̶uma?

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Romanos 8:17

Ichi warrarãd̶eeba dachirã maud̶e Cristo baarauba ichiba uru b̶uud̶ebena adaud̶ai. Biawãra Cristo biꞌiwãe uru panad̶a kĩra dachi ãrea biꞌiwãe panuubʉrã, Dachi Akõreba Cristo baara ãbua ãrea biꞌia duanui.

1 Corintios 6:9

¿Machiba adua panuka chi kachirua waubadau Dachi Akõre juad̶e panad̶aabai, ichid̶irã baara? ¡Ara machi du ab̶a setaa kũruarã́sturu! Chi kakuaba barikiu kachirua waubadaurã, Dachi Akõre kuenda juaba ne kaped̶aad̶a kĩraare ʉtaa id̶i nuree, junebena ome kãi topaneebadaurã, mukĩra wẽra kĩra nuree, mukĩra ab̶aarakau mukĩra ome panabadaurã, nechiruabadaurã, chi nejarra kʉ̃riabadaurã, itua biu nibabadaurã, setad̶eeba waabena ʉ̃rʉbena kachirua jarabadaurã maud̶e waabena setaa kũruabadaurã Dachi Akõre puurud̶e panad̶aabai.