Hechos 20:23 - Emberá Chamí

²³ Ab̶aburu kuitaa b̶uu Dachi Akõre Jauriba mʉʉmaa kuitaabi b̶uu puurucha mʉ ãrea biꞌiwãe b̶uai maud̶e jʉ̃a b̶uai.

Hechos 20:23 Referans Kwoze

Hechos 9:16

Mʉʉba ichimaa kuitaabii saka ãrea dauchia jãadua b̶uai b̶uu mʉ ʉ̃rʉbena berreai baita.

1 Tesalonicenses 3:3

maud̶e machi ãrea biꞌiwãe panuud̶e, mau ãrea kʉ̃risiarãad̶amera. Machiba kuitaa panuu Cristod̶e ijãa panuu baita dachi ãrea nebʉrad̶e panad̶ai panuu.

Hechos 21:4

Aria daiba chi Jesusd̶e ijãabadaurã unuped̶aad̶ad̶eeba ãchi ome 7 ewari paneesid̶au. Maud̶e ãchiba Dachi Akõre Jaurid̶eeba Pablomaa jarasid̶au Jerusalend̶aa wãrãamera.

Hechos 21:33

Kokoroa chi aude mechiu araa neesiid̶e, Pablo jidauped̶a kaena omeeba jʉ̃bisii. Maabae ẽbẽrarã pĩchua imi nub̶uumaa id̶isii Pablo kai maud̶e kãare wausii kuitaai.

Hechos 21:11

Dai ichiad̶e neesiid̶e Pablo kʉrrd̶e jʉ̃barii adausii. Mauba ara ichi jʉ̃rʉ maud̶e jua jʉ̃ped̶a naka jarasii: —Dachi Akõre Jauriba naka jara b̶uu: nau kʉrrd̶e jʉ̃barii chibari judiorãba Jerusalend̶e naka jʉ̃d̶ai. Maabae judiowãerãmaa jidau dead̶ai.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

2 Timoteo 2:12

Dachi ãrea biꞌiwãe panuu dauchia jãadua panuubʉrã, ichi ome chi karrarã kĩra nuread̶ai. Dachiba Cristo adua panuu aaduubʉrã, ichia bid̶a dachi adua b̶uu ai.

Hechos 8:29

Maka b̶uud̶e Dachi Akõre Jauriba Felipemaa jarasii: «Wãse jãu karreta kaita».

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Hechos 18:5

Maka b̶uud̶e Silas maud̶e Timoteo Macedonia druad̶ebena neesid̶au. Maad̶akare Pabloba ewaricha Dachi Akõre bed̶ea jaradea b̶uabachii. Ichiba judiorãmaa jarabachii Jesús biawãra Dachi Akõreba Dachi Karibabarii deai jarad̶a.

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 20:24

Maamina mʉʉba mau ʉ̃rʉbena kʉ̃risiakau, mʉ biꞌia b̶uai jʉrʉwẽed̶eeba. Ab̶aburu chi Dachi Mechiu Jesusba mʉʉmaa waubi b̶uu mau joma wau kʉ̃ria b̶uu. Mauburu chi bed̶ea bia Dachi Akõreba ichi sõbiad̶eeba kariba b̶uu ʉ̃rʉbena mʉʉba jara b̶uai.

1 Timoteo 4:1

Dachi Akõre Jauriba arakʉd̶e jara b̶uu nau kaad̶ebena ewarid̶e waabenarãba Cristod̶e ijãa panaped̶aad̶a ida b̶ud̶aped̶a jai kachirua seta id̶aa nuree maud̶e ãchiba jaradeabi panuu ijãad̶ai.