Hechos 2:42 - Emberá Chamí

⁴² Chi Jesusba bʉid̶arãba jaradea panuu ãchiba ãrea ũribachid̶au. Ãbua biꞌia duanabachid̶au. Pan b̶ʉad̶aped̶a, kobachid̶au. Maud̶e Dachi Akõremaa ʉtaa id̶i panabachid̶au.

Hechos 2:42 Referans Kwoze

Hebreos 10:25

Ãbua duanad̶ai ida b̶ud̶aabai panuu chi nureeba waubadau kĩra. Maumaarã bari chiya aid̶ad̶ai panuu aude ijãad̶ai baita. Maka biꞌia waud̶ai panuu, Dachi Mechiuba nebʉra kastikai ewari kãꞌãabariwãed̶e neei kuitaa panuud̶eeba.

Hechos 1:14

Joma maarã Jesús ãbarã baara, ichi nawe María maud̶e waabena wẽrarã baara ãbua duanabachid̶au Dachi Akõremaa ʉtaa id̶id̶ai baita.

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

1 Juan 1:7

Maamina ichi ʉ̃d̶aad̶e b̶uu kĩra dachi sid̶a ʉ̃d̶aad̶e nibaaduubʉrã, ãbarã ome ãbua biꞌia panad̶ai. Maud̶e ichi Warr Jesucristo oa ched̶aba dachi kachirua joma jeraabarii.

Hechos 2:46

Ewaricha Dachi Akõre de mechiud̶aa araa ãbua imibachid̶au maud̶e ãbarã decha kĩrajʉʉd̶eeba ãbua kobachid̶au.

Hechos 20:7

Maabae nabena ewari misad̶e Jesusd̶e ijãabadaurã ome araa ãbua panasid̶aud̶e pan b̶ʉad̶aped̶a kosid̶au. Maud̶e Pabloba jaradea b̶uasii. Norema wãi b̶uud̶eeba ẽsabud̶e ẽsab̶aare baaruud̶aa berrea b̶uasii.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Judas 1:20

Maamina ãbarã, machicha aid̶ásturu Cristod̶e ãrea ijãad̶amera. Dachi Akõremaa ichi Jaurid̶eeba ʉtaa id̶ísturu.

Colosenses 4:2

Ewaricha Dachi Akõremaa ʉtaa id̶i panásturu. Ʉtaa id̶iiduud̶e dau ʉb̶ʉa panásturu maud̶e ichíturu kid̶ibai ásturu.

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

2 Timoteo 3:14

Maamina bichiba kuitaad̶a chi biawãra kʉ̃risia b̶uud̶eeba, maud̶e nibase. Bichiba kuitaa b̶uu bichimaa jaradeaped̶aad̶aba jipa jaradeaped̶aad̶abʉ.

Efesios 2:20

Machi de mo waud̶a kĩra panuu. Jesusba bʉid̶arã maud̶e Dachi Akõre baita berreabadaurã mau de ekarebena mo kĩra panuu. Mau ded̶ebena mo chi bibuara b̶uu Jesucristobʉ.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 6:4

Maka wauduubʉrã daiba poyaa biꞌia Dachi Akõremaa ʉtaa id̶i panad̶ai maud̶e ichi bed̶ea jara panad̶ai.

Hechos 4:31

Dachi Akõremaa ʉtaa id̶id̶ai ida b̶usid̶aud̶e chi panad̶amare de uri kob̶eesii. Maud̶e joma Dachi Akõre Jaurid̶eeba duaneesid̶au. Mauba Dachi Akõre bed̶ea wapead̶awẽa jara kopaneesid̶au.

1 Corintios 10:21

Jauri kachiruamaa dead̶a basud̶e b̶uu machiba dooduubʉrã, Jesucristo oa kĩrabad̶ai baitabena basud̶e b̶uu dod̶aabai panuu. Jai kachiruamaa ãnimara kiuru dead̶a machiba kooduubʉrã, Dachi Mechiu kĩrabad̶ai baitabena kobadau kod̶aabai panuu.

Romanos 12:12

Dachi Akõred̶ebena ne adoed̶ai kuitaa panuud̶eeba kĩrajʉʉ panásturu. Biꞌiwãe panuud̶e dauchia jãadua panásturu. Ewaricha Dachi Akõremaa ʉtaa id̶ísturu.

Hebreos 10:39

Waabenarãba Dachi Akõred̶e ijãa panuu ida b̶ud̶aped̶a adua paneebadau. Maamina dachi mau ẽbẽrarã kĩra panuuwãema, maumaarã Dachi Akõred̶e ijãa panuud̶eeba ewaricha chokae panad̶ai.

Hechos 11:23

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

1 Corintios 11:2

Ãbarã, ewaricha mʉ kĩraba panuud̶eeba maud̶e mʉʉba jaradead̶a ũri panabadaud̶eeba machimaa biꞌia jaraaruu.

Hechos 20:11

Pablo waya ded̶e ed̶a wãped̶a pan b̶ʉaped̶a, kosii. Maabae wabid̶a berrea b̶uud̶e ewarisiid̶e wãsii.

1 Juan 2:19

Maarã dachi baara panad̶a wãsid̶au, maamina biawãra dachid̶ebenawãe basii. Maarã biawãra dachid̶ebena basirã, dachi baara wabid̶a ãbua panad̶ai basii. Maamina mau makasii biꞌia kuitaad̶amera joma dachid̶ebenawãe nuree.

Gálatas 1:6

Mʉ saka kʉ̃risiai adua b̶uu machiba kãꞌãabariwãed̶e Dachi Akõre ida b̶uped̶aad̶a. Ichiba machi iusii Cristo sõbiad̶eeba karibai baita, maamina machiba ãrea ũri panuu waabenarãba bed̶ea bia kĩra jara panuu.

Hechos 4:23

Pedro maud̶e Juan jʉ̃a b̶u panad̶a wãd̶aped̶a chi waabena Jesusd̶e ijãabadaurã ãbua panuumaa wãsid̶au. Maabae chi paare mechiurãba maud̶e chõrarãba ãchimaa jaraped̶aad̶a joma nebʉrʉsid̶au.

Lucas 24:35

Ara makʉd̶e ãchiba nebʉrʉsid̶au od̶e makaped̶aad̶a. Ãchiba jarasid̶au: —Ichiba pan b̶ʉasiid̶e, daiba Jesús b̶uu kuitaasid̶au.

Lucas 24:30

Kooduud̶e Jesusba pan adauped̶a Dachi Akõremaa ichíturu kid̶ibai jarasii. Chi pan b̶ʉakuaped̶a ãchimaa deasii.

1 Corintios 14:6

Maud̶eeba ãbarã, mʉ machimaa wãped̶a dachiba ũrid̶akau bed̶ead̶e berrearuubʉrã, ¿machi saka aid̶aima? Aid̶aabai. Maamina dachiba ũribadau bed̶ead̶e Dachi Akõreba mʉʉmaa unubid̶a jaraaruubʉrã, maebʉrã Dachi Akõre kʉ̃risia kuitaad̶eeba berrearuubʉrã, maebʉrã Dachi Akõre baita berrearuubʉrã, maebʉrã Dachi Akõre bed̶ea jaradeaibʉrã mauba joma poyaa aid̶ai.

Filipenses 1:5

machiba ichi bed̶ea ijãaped̶aad̶ad̶eed̶ebena mʉ aid̶a panuud̶eeba, chi bed̶ea bia Cristo ʉ̃rʉbena jaradeai baita.