Hechos 2:27 - Emberá Chamí

²⁷ Mʉʉba kuitaa b̶uu bichiba mʉ biud̶arã panabadaud̶e nub̶uubai. Mʉ, chi bichi baita bari trajabarii jipa nii ida b̶eraabiibai.

Hechos 2:27 Referans Kwoze

Hechos 2:31

Makai kuitaa b̶uasiid̶eeba ichiba berreasii Dachi Akõreba Dachi Karibabarii deai jarad̶a chokae jiradui ʉ̃rʉbena. Ichiba jarasii Dachi Akõreba mau chi biud̶arã panabadaud̶e nub̶uubai maud̶e ichi chi kakua b̶eraabiibai.

Apocalipsis 1:18

Mʉ chi Chokae Nima. Mʉ biud̶amina ichiáse chokae nii, maud̶e ewaricha chokae nibai. Mʉa chi biud̶arã poyaa chokae jiradubiai b̶uu.

Apocalipsis 20:13

Joma chi mard̶e biuped̶aad̶arã Dachi Akõre daad̶e imisid̶au. Joma chi biuped̶aad̶a ãchi panabadaumarebena Dachi Akõre daad̶e imisid̶au. Maabae Dachi Akõreba ãchi ab̶aab̶aa ichiai ãchiba wauped̶aad̶a kĩra.

1 Corintios 15:55

Maud̶e b̶ʉ kub̶uu: «¿Chi dachi biubibariiba waa poyaa biubiibaika? ¿Chi dachi biubibariiba waa poyaa puꞌuabiibaika?»

1 Corintios 15:52

Maka b̶uud̶e, ara makʉd̶e, kaad̶ebena kachu jĩwaaruud̶e maka kĩra awara paneed̶ai. Biawãra Dachi Akõre kachu jĩwai. Maud̶e biuped̶aad̶a chi kakua b̶eraad̶akaud̶e chokae jiradud̶ai. Maud̶e dachi wabid̶a chokae nuree dachi kakua kĩra awara paneed̶ai.

Juan 11:39

Maud̶e Jesusba jarasii: —Jãu mo ãyaa bʉrásturu. Marta, chi biud̶a neekauba Jesusmaa jarasii: —Mʉ Mechiu, jãu biud̶a ewari kimare baaruud̶eeba mikia kub̶uẽka.

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.

1 Juan 2:20

Maumaarã machiba Dachi Akõre Jauri Cristoba dead̶a uru panuu. Ichid̶eeba joma chi biawãra bed̶ea kuitaa panuu.

Lucas 4:34

—¡Jesús Nazaretd̶ebena! ¡Dai ida b̶use! ¿Dai kenad̶e neeska? Mʉʉba kuitaa b̶uu bichi kai: ¡Bichi Dachi Akõreba bʉid̶a!

Lucas 1:35

Mau angelba panausii: —Dachi Akõre Jauri bichimaa neeped̶a chi poyaabarii bichi baara b̶uai. Maud̶eeba ichiba dea b̶uu warr bichiba adauruu Dachi Akõreba ichi Warr ai.

Marcos 1:24

—¡Jesús Nazaretd̶ebena! ¡Dai ida b̶use! ¿Dai kenad̶e neeska? Mʉʉba kuitaa b̶uu bichi kai: ¡Bichi Dachi Akõreba bʉid̶a!

Mateo 11:23

¿Capernaumd̶ebenarã ʉtaa bajãad̶aa wãd̶aika? ¡Wãd̶aabai! ¡Dachi Akõreba machi chi biud̶arã panabadaud̶e jirakuai! Mʉʉba ẽbẽrarãba ne poyaa waud̶akau machi tãed̶e waud̶a Sodoma puurud̶e waud̶a basirã, jãu puuru wabid̶a b̶uai basii.

Hechos 4:27

Ara mau kĩra nau puurud̶e Herodes, Poncio Pilato, judiowãerã maud̶e Israel puurud̶ebenarãba bed̶ea deasid̶au chi bichi baita bari trajabarii jipa nii Jesús bead̶ai baita. Bichiba ichi Dachi Mechiu b̶ud̶amina,

Hechos 3:14

Machiba Dachi Akõre baita bari trajabarii Jipa nii ida b̶ud̶aped̶a id̶i panasid̶au Pilatoba mia beabarii Barrabás ida bʉimera.

Lucas 16:23

»Tʉbʉchia kiikaud̶e ãrea biꞌiwãe b̶uud̶e chi barau b̶uad̶aba Abraham, Lázaro ome b̶uu kaitawẽeba unusii.

Lucas 24:44

Mau maad̶akare ãchimaa jarasii: —Mʉ wabid̶a machi baara b̶uasiid̶e jara b̶uabachii mʉ ʉ̃rʉbena naa b̶ʉped̶aad̶a joma makai b̶uu. Mau Moisesba b̶ʉsii, Dachi Akõre baita berreabadaurãba b̶ʉsid̶au, maud̶e Salmos kartad̶e bid̶a b̶ʉ kub̶uu.

Hechos 2:26

Maud̶eeba mʉ sõ kĩrajʉʉ b̶uu; mʉ ãrea kĩrajʉʉ kari b̶uu. Mʉʉba kuitaa b̶uu biurumina mʉ jirukaraayuwãe nibai.

Hechos 2:28

Bichiba mʉʉmaa chi dachi chokae b̶uabibarii o unubisii, maud̶e bichi mʉ ome b̶uud̶eeba mʉ ãrea kĩrajʉʉbii”.