Hechos 2:21 - Emberá Chamí

²¹ Maamina chi Dachi Mechiumaa chi chuburia id̶iiduu joma karibai”.

Hechos 2:21 Referans Kwoze

Hechos 22:16

¡Waa esed̶ause! Jiraduped̶a bichi boro eabise. Ʉtaa id̶ise. Bichiba kachirua waud̶a ichiba joma perdonai”.

Hebreos 4:16

Maud̶eeba Dachi Akõremaa wapead̶awẽa id̶id̶ai panuu ichi rey ãkau kub̶uumaa ara kaita wãaduu kĩra. Maka ichiba dachi kĩra chuburiai maud̶e ichiba karibamera ʉtaa id̶iiduud̶e ichi sõbiad̶eeba karibai.

1 Corintios 1:2

Mʉʉba nau karta b̶ʉʉruu chi ẽbẽrarã Dachi Akõred̶erã Corintod̶ebena baita. Jesucristod̶eeba Dachi Akõreba machi awara b̶usii ichi baita biꞌia nuread̶amera. Ara mau kĩra ichiba druacha joma Dachi Mechiu Jesucristomaa ʉtaa id̶ibadaurã awara b̶usii. Ichimaarã Mechiubʉ maud̶e Dachi Mechiubʉ.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Hechos 9:15

Maamina Dachi Mechiuba jarasii: —Wãse. Mʉʉba ichi jʉrʉ adausii mʉ ʉ̃rʉbena berreamera judiowãerãmaa, ãchi reyrãmaa maud̶e israeld̶ebenarãmaa.

Hechos 9:11

Dachi Mechiuba jarasii: —Jiraduped̶a Judas deemaa wãse. Mau de calle Jipa B̶uu abadaud̶e kub̶uu. Ara baaruud̶e jarase bichiba ẽbẽra Saulo Tarso puurud̶ebena ichiad̶e nee b̶uu. Ichiba Dachi Akõremaa ʉtaa id̶imaa b̶uu.

Hechos 2:20

Dachi Mechiuba nebʉra kastikai ewari neei naed̶e ʉmada kii. Maud̶e jed̶ako oa bai. Mau ewari chi mechiu mia pera bai.