Hechos 2:18 - Emberá Chamí

¹⁸ Mau ewarid̶e mʉ Jauri chi mʉ baita bari trajabadaurãmaa deai, mukĩrarãmaa maud̶e wẽrarãmaa. Maud̶e ãchiba mʉʉba jarabiaruu kĩra berread̶ai.

Hechos 2:18 Referans Kwoze

Colosenses 3:11

Dachi Akõreba maka wausiid̶eeba ichi daad̶e griego judio ome arab̶aud̶e nii. Mukĩra chi kakua tõo nii mukĩra chi kakua tõowẽa nii ome arab̶aud̶e nii. Drua ãibena, ne adua nii ome arab̶aud̶e nii. Chi chibari baita bari trajabarii, chi chibariswãe nii ome arab̶aud̶e nii. Cristo chi aude bibuara nii. Ichi jomaurã sõd̶e b̶uu.

Gálatas 3:28

Mau jara b̶uu judio griego ome arab̶aud̶e panuu, chibari baita bari trajabarii chi chibariswãe nii ome arab̶aud̶e panuu, maud̶e mukĩra wẽra ome arab̶aud̶e panuu. Joma machi ẽbẽra ab̶a nii kĩra nureebʉ, Jesucristo ome ãbua nureed̶eeba.

Hechos 21:10

Aria ewari b̶aꞌãra panuud̶e Dachi Akõre baita berreabarii Agabo Judea druad̶ebena neesii.

Lucas 12:45

Maamina mau chibari baita bari trajabariiba ichi sõd̶e mʉ chibari isa neebai aaruubʉrã, mauba sĩ kob̶eebarii chi chibari baita bari trajabadaurã maud̶e wẽrarã bari trajabadaurã. Mau awara koped̶a, doped̶a maud̶e ituaba biu nibai.

Hechos 2:17

“Dachi Akõreba naka jara b̶uu: Kaad̶ebena ewarid̶e mʉ Jauri joma ẽbẽrarãmaa deai. Maka machi warrarã maud̶e machi kaurã mʉʉba jarabi b̶uu kĩra berread̶ai. Mʉʉba kũudrãarã daumaa ne unubiai. Maud̶e chõrarã bid̶a kamokaraad̶e maka unubiai.

Hechos 2:19

Mau ewarid̶e ẽbẽrarãba ne poyaa waud̶akau bajãad̶e unubiai. Maud̶e iujãad̶e unubiakuai. Oa, aoko maud̶e nari unubiai.